суббота, 26 ноября 2011 г.

Удмурт комиксъёсын контакт бам усьтӥськиз

Ветлылӥ вал контактын маке выльзэ шедьто шуыса. Шеди выль лэсьтэм контакт баме, кудӥз нимаське Izhverjos (Ижверъёс). Нырысь ӧй вала мар со сыӵе, но сётэм ӵӧлсконъёсы пыраса, мон валай та контактлэсь валтӥсь малпанзэ.
Нырысетӥ комикъёс:



Туж тунсыко лэсьтылэмын. Малпасько азьланяз та бам бадӟымгес но бадӟымгес луоз, выль но трос серем суредъёс кылдылозы, комикъёс. 


немец комиксъёс удмурт кылын возьматон…


28-тӥ шуркынмонэ Ижкарын Германилэн нуналъёсыз улсын удмурт кылын серемтусъёсын тунсыко адӟытон усьтӥськоз. Татын возьматэмын луозы немец студентлэн Андраш Гюролэн ужъёсыз. Со туж тунсыкъяське удмурт кылын но лулчеберетэн, соин ик Удмурт шаере дышетскыны лыктӥз. Озьыен туж мыло-кыдо басьтӥськиз серемтусъёссэ немец кылысь удмуртэ берыктон борды но. Нош али со ужа удмурт мифологиысь сюжетъёсын герӟаськем серемтусъёс лэсьтон бордын.

Котькуд ужын вань аслаз шуг-секытъёсыз. Озьыен Андрюшлэн но вань сыӵе берыктонлэн шуг-секытъёсыз та серемтусъёсыз кароназ.

Кызьы вера ачиз Андрюш Гюро: «Берыктон бордын ужакум, мон валай, удмурт кылэз литературая текстъёсын вырон понна мон сокем ӟеч уг на тодӥськы шуыса, удмурт кыл но сокем азьланьтӥськемын ӧвӧл на, 21-тӥ даурысь концептъёс сярысь вераськон понна, озьы ик фантастикалэн но аслаз аспӧртэмлыко кылыз вань, кудзэ берыктон понна куд-ог кылъёсын нырысь выль кылъёс кылдытыны кулэ на.

Татын возьматэмын аръёс ӵоже пӧртэм люкамъёсы пӧлысь быръемез гинэ. Куд-огъёссэ мон ачим кылдытӥ, мукетъёссэ сётэм скриптъёсъя гожтӥ.

Мон уг малпаськы, татын возьматэм комиксъёс валамон луозы шуыса, со понна 3 мугъёс вань: а) соос татчы контекстэк интыямын; б) комикс кылэз тодыны кулэ, солэн аслаз кылыз вань; в) удмурт кылын ӧвӧл сыӵе кылъёс, кудъёсыз та шундыпуксён лулчеберетлэн контекстаз кылдэм концептъёсты нимало.»

Та адӟытон Андрашлэн улоназ нырысетӥез. 1996-тӥ арысен суредаське, соин та ужрад со понна – азьлане бадӟым вамыш лэсьтон.

среда, 23 ноября 2011 г.

Silent Woo Goore кельшиз ваньзылы, но эшшо но золгес burnjak италиысь блоггерлы...



Берпуметӥ кырӟась огин ужрадын вал Silent Woo Goore (шыпыт ву кырӟан)  урал Элькун Россилэн сюлмысьтыз,  Англи но Удмурт кылын сурам кырӟанэнызы, кудӥз возьматэ дунне куараосын но традиционной кырӟанэн огазьяськонзэс. Та огин, кудӥз монэ паймытӥз аспӧртэмлыкеныз, рок лулэныз но ачиз пинал кырӟасеныз, кудӥз луонтэм куараен кырӟаса, эктыса люкаськем калыкез шумпоттыса лэзиз.

Последняя группа в конкурсе именно Silent Woo Goore  ("Безмолвная Песнь Воды") со смесью Английского языка и Удмуртского языка (уральская республика в сердце России), свидетельствует ясно о союзе глобальных звуков и традиционных мелодий. Это группа, которая поразила меня особым способом, возможно, благодаря рок душе и самой молодой певице, которая с невероятным голосом станцевала и развлекла публику.

L'ultimo gruppo in concorso erano i Silent Woo Goore (silenziosa canzone dell’acqua) che con un misto di Inglese e lingua udmurta (repubblica uralica nel cuore della Russia), testimonia chiaramente l’unione di suoni globali e melodie tradizionali. Questo è il gruppo che mi ha colpito in maniera particolare forse grazie all'anima rock e alla giovanissima cantante che con una voce incredibile ha ballato e divertito il pubblico.
Мукет кырӟась огинъёс, кудъёсыз пыриськизы Liet International 2011 ужрадэ.



Ижкарын кылбырчиослэн кылын кыстаськонзы ортчоз...

24-тӥ шуркынмонэ "Талисман" вузаськон шулдыръяськон шор интыяськонниын ортчоз Кылбурчиослэн ваче ӵошатскон, кудӥз кутскоз 19 часын.
Нырысетӥ кылбурчиослэн ваче ӵошатсконзы Ижкарын.
Ваче ӵошатскон - со сыӵе кылбырчиослэн кылын кыстаськонзы, кудаз валтӥсез шудэ умой гожтэм кылбур, но сое аспӧртэмлыко, тунсыко верам.
Ижкар ваче ӵошатсконлэн возетэз.
Ваче ӵошатскон ортче кык вамышен.
Нырысетӥ вамыш. Пыриськисьёс бӧрсьысь-бӧрсье лыдӟо асьсэлэсь кылбуръёссэс. Котькудӥзлы сётӥське одӥг минут лыдӟемезлы. Кин со дырез ортчиз, солэсь балъёссэс куялозы. Лыдӟыкуз лыдӟись быгатэ пайдалыны юрттӥсьёсын но кыӵе ке юрттӥсь арбериосын.
Кыкетӥ вамыше потӥсьёсты возьма. Куинь минут ас кылбурзэс лыдӟыны, но уг ни яра пайдалыны юрттӥсьёсын но кыӵе ке юрттӥсь арбериосын. Кызьы ортчиз кыкетӥ вамыш, со бере вормисез вералозы оло финал лэсьтӥськоз.
Вормисез ваче ӵошатсконын басьтэ 10 сюрс манет, озьы ик ӧтьылозы мукет каръёсын ужрадъёсы пыриськыны.
Эрико балл пуктылӥсьёс быръиськозы учкисьёс пӧлысь. Вить кузя соос луозы. Котькуд кылбурчи басьтэ баллъёс вить балл пӧлысь, кудаз пыриське чебер гожтэм кылъёсын кылбур но сое умой, чылкыт верам понна. Озьыен быръё кин кыкетӥ вамыше потоз, но со бере кин кельтӥсь луоз.
Озьы ик кин пыриськиз та ужрадэ, соосын ортчоз мастер-класс возьматон. Тужгес но курутой Ижкар кылбурчиосын но дунъясьёсын. Та вӧлмытскоз 24 шуркынмон бере.
Та ӝытэз нуоз Родионов Ондӥ - данлы Москва но Пермь улосъёсы кылбурчи.
Пырон та ваче ӵошатсконэ 100 манет сылэ. Пыриськисьёс та ӵошатсконэ одно ик коньдон тыро. Ӝыны дунын пырозы улэп кагазэс нуисьёс, кудъёсыз асьсэ кагазазы та ӵошатскон сярысь гожтӥзы. Дунтэк пырозы: туспуктӥсьёс, кагазэс поттон вылын ужасьёс, пересъёс но та ӵошатсконэз ортчытӥсь калык.
Та сярысь тужгес но умойгес тодыны луоз Пётр Захаровлы +7 9128585612 та номеръя жингыртыса. Яке udmurtpen@mail.ru та майталэ гожтэт лэзьыса.
24-тӥ шуркынмонэ "Талисман" вузаськон шулдыръяськон шор интыяськонниын ортчоз,19 часын.

воскресенье, 20 ноября 2011 г.

Театр ар УдГУ 2011

21 шуркынмон толэзьысен 26-озь 80 ар Удмурт кун университетлы тырмем понна, ортчоз театральной ужрадъёс "Тылъёс бадӟым вылӥ дышетсконни - 2011".
Студенческой театр! Мар солэсь умойгес луоз на? Отын ведь сомында пӧросъёс, маке выльзэ возьматон но оло кыӵе но учыръёсысь потон! Вить нунал серем театр учкон! Вить нунал кысымтэ чабонъёс но кесяськонъёс!
Актовый интыяськонниын, 1-тӥ УдГУ-лэн корпусын.

Кыӵе возьматонъёс луозы:

1-тӥ нунал – 21 шуркынмон.
1. ИЭиУ - «Франки-Шкаф-Лямур-Тужур»
2. ИИиД - «Время»
3. ФСФ - «Нос»
4. ФПИЯ - «Любовь у сливного бачка»
5. МФ - «Тихий Дон»

2-тӥ нунал – 22 шуркынмон.
1. ФЖ - «Самоубийца»
2. ФИТиВТ - «Авантюристы»
3. ИИЯЛ - «Мнимый больной»
4. ИСК - «Это нормально»
5. ГФ - «Секрет»

3-тӥ нунал – 23 шуркынмон.  
1. ИППСТ - «Чёрное молоко»
2. БХФ - «Палачи или жертвы»
3. ФЭФ - «В лифте»
4. ФФ (1) - «Коляда»
5. ФФ (2) - «Икар»

4-тӥ нунал – 24 шуркынмон.  
1. ИПСУБ - «Мир можно придумать»
2. «Я-автор» - «Жизнь Вуди Алена»
3. Филиал УдГУ в г.Можга - «Старый повар»
4. НХТ (ИИиД) - «Похомушка»
5. «Радуга» (ИЭиУ) - «(За) валенок!»

5-тӥ нунал – 25 шуркынмон.  
1. ФУдФ - «Дорогая, я не услышу, что ты говоришь, когда в ванной течёт вода»
2. «Les Partisans» - «После Магритта»
3. ИФ - «Чайка»
4. ИГЗ - «Солнечное сплетение»
5. «Ляпа» - «Хочу быть хомячком»


6-тӥ нунал – 26 шуркынмон.  18 часын – Кузьмаськон.

суббота, 19 ноября 2011 г.

Творческой ӝыт ортчиз...




Тани ортчиз Надежда Эдуардовналэн творческой ӝытэз, кудӥз кун театрын радъямын вал. Быдэс зал тырмемын, пуксён интыез ик ӧй ни вал.
Ӝыт  куинь час   кыстӥськиз, но со куинь час туж вакчи дыр кадь потӥз. Нош мар но кин  отын вал, кин та ӝытэз Надежда Эдуардовна сяна шулдыртӥз, та веранам.
Та шулдыр ӝытэ вуизы ӟечкыланы тужгес но матӥсь Надюшкалы* эшъёсыз. Соос пӧлын вал Галина Кулакова, кудӥзлы Надежда Уткина сӥзиз аслэсьтыз "Королева лыжни" кырӟанзэ. Тихонова Тамара Ивановна*** но мукет спортсменъёс.

Озьы ик Светлана Константиновна Смирнова, Лариса Николаевна Буранова, Татьяна Витальевна Ишматова, кудъёсыз валче потыса трос умой кылъёс веразы но кузьымъёс сётъязы. "Ӟечкылан гожтэт Удмурт Элькунмылэн кузёезлэсь - Волковлэсь" сётӥз кияз Лариса Николаевна. Тужгес но тунсыко кузьым кузьмаз Татьяна Витальевна. Кузьмаз небыт шудон ӵӧжпи, мар Надежда Эдуардовналэн улоназ туж бадӟым инты басьтэ.


Анна Плотникова но вал ӟечкыласьёс пушкын. Кырӟанэзлэсь тодытонзэ вераз кызьы со гожтӥськиз. "Яратӥ мон тонэ" кырӟанэз кылдӥз тазьы. Надеждаез магнитофон пыр быдэс уйзэ кылзиськемез бере, со бере кылдэм мылкыд та кырӟанэз гожтыны. Вот озьы кылдӥз туж ӟеч кырӟан.
Озьы ик сое ӟечкыланы лыктӥзы оло кыӵе но улосъёсысь, оло кыӵе но диаспараосысь калык.
Тужгес тунсыкоез вал, куке "Глазовской вотяк" кырӟанэз кырӟаны кутскизы Лулгур огин. Кибардиналы уг кельшы вылэм та кырӟан, но Уткиналы со туж но туж кельше. Бабушез солы, пе, тае пичи дыръяз весь кырӟа вылэм. Отын споръяськон кылдӥз. Сое ваньзэ дугдытӥз Ложкин Олёш, кудӥз со дыре удмурт луиз. Но сое валаса со нош ик ӟуч кылын вераськыны кутскиз. Тазьы вал со: "...кинлы кельше, кинлы ук сое калык быръёз ини. Ой, я же забыл, что я должен на русском языке  говорить." :-D
Тунсыкоез вал, куке "Купанча" кырӟаны потыкуз, вань бичаськем калыке кумышкаен сектаз. Калык шумпотӥз, мар шуод на эшшо.
Сарапул карысь нылъёс но пиос (нимзэс таки ӧй вала кызьы нимасько) туж но туж умой эктыса, шумпоттыса лэзизы. Весь сцена вылын лобаса кадь экто соос, до того капчи, задор мылкыдын. Эх... зол сёто та нылъёс но пиос.
Озьы ик ваньзы туж умой выступить каризы, туж умой вал инструментальной коллективъёс,  туж умой асьсэзэс быгатӥзы возьматыны.
Ӝыт вал туж умой, туж шулдыр, туж но туж задор. Тросгес таӵе кулэ ӝытъёс лэсьтылыны, туж умой пӧрме ортчытъянъёс.
ӞЕЧОК НАДЕЖДА ЭДУАРДОВНА УТКИНА, ДАНЛЫКО АДЯМИ УДМУРТ ЭЛЬКУНАМЫ.
* - вожез уз пот дыр озьы сое верамелы ;-)
** - 39-пол вормисез СССР, 9-пол Дуннелэн но 4-пол олимпийской вормисез.
*** - трос пол Дунне но Олимпийской шудонъёсын вормылӥсь. Тужгес но зол ассэ возьматӥз Калгари карын Олимпийской шудонъёсын, кудаз 3 медаль басьтӥз.

пятница, 18 ноября 2011 г.


"Удмурт дунне" газетлэн сайтаз пырыны шеди вал. Учкисько но отын ӟуч кылын  марке гожъямын.
Умойгес учкыса, лыдӟыса мон валай со асьме  "Одӥг Росси"  кивалтӥсь партиямылэн быръёнъёс азьын ӵектонъёсыз калыклы умой улон понна, марлы куара та партия понна сётоно шуыса. Туж умой кылъёсын гожтэмын соослэн калыклы вазиськемзы. Трос программаос лэсьтыны тыршонзэс возьмато, калыкез куанер улонысь поттыны тыршо.
Но таиз мыным али ӧвӧл тунсыкоез. Мыным тужгес но валтӥсез вал таиз.
"Удмурт дунне" чылкак удмурт газет, быдэсак удмурт кылын поттӥське, ВАЛ. Вуиз дыр сое воштыны. Озьыен "Одӥг Росси" со воштӥськонэз ортчытӥз. Аслэсьтыз вань ӵектонъёссэс соос гожтӥзы ӟуч кылын, удмурт газетын. Со туж возьыт кулэ луыны нырысь ик асьме "Удмурт дунне" газетлы, кудӥз шуэ со реклама гинэ вал шуыса. Но кыкетӥез возьыт кулэ луыны "Одӥг Росси" партиялы, малы ке шуоно мукет куд-ог партиос, кин пыре быръёнъёсы, асьсэлэсь быръён ӵектонъёссэс удмурт кылэ берыктӥзы.
Соос пӧлын "Улмо" ("Яблоко") партия асьсэлэсь ӵектонзэс берыктӥзы http://www.yabloko.ru/content/rtp_udmurtsky удмурт кылэ.

Но соос пӧлын тужгес но КПРФ партия ужаз та вылын. Со асьсэлэсь ӵектонзэс калыклы газетэн поттӥзы, кудӥз трос тиражен вал поттэмын. Кудзэ котькин но быгатэ лыдӟыны, валаны но малпаськыны со ваньзэ лыдӟем бере.
Но вань на эшшо партия ЛДПР, кудӥзлэн ӵектонъёссыз "НАЦИОНАЛИСТИЧЕСКОЙ" пӧрма. Быдэс Ижкар соослэн плакатъёсын карылэмын. Но кызьы адӟиськом котькуд карын со мукет ласянь политиказэ нуэ. Одӥг карын одӥг вера, мукет карын мукет.   
ЛДПР кулэтэм каре Россиын улӥсь калыкъёсты, асьмелэн калык отчы пыре, озьы ик МариЭл калык, но трос мукетъёсыз.
Нош табере мар мон таин веран турттӥсько.
Кӧня ар ӵоже "Удмурт Дунне" печатлаське ини, но таӵеез ӧй на вал. Оло шӧдӥзы солэсь лябзэ, оло нокытын но ӧз басьтӥське печатланы "Одӥг Росси" партиялэсь ӵектонзэс.
Оло "Одӥг Росси" партия капчиен ворме шуыса быръёнъёсты, номыр выльзэ ӧз малпалэ, кулэ ӧвӧл шуизы со ужез, но лэзизы ЧЫЛКАК УДМУРТ газетэ, ӞУЧ КЫЛЫН калыклы ӵектонзэс.
ЛЯБЪЁС............................................
Малпаське кин понна куарадэс сётыны, асьтэос лэсьтэ улондэс.
БЫРЪЁНЪЁС 2011..........

четверг, 17 ноября 2011 г.

быръёнъёс, быръёнъёс, кандидатъёс…….


Кемалась ӧз ай кутскиз партияослэн ӵошатсконзы, кудӥз нимаське "БЫРЪЁНЪЁС 2011". Котькуд партия ас бордаз турттэ калыкез кыскыны, котькыӵе партия ас сяменыз сое каре. Со сярысь азьланяз вераськон мыноз.

Мар со сыӵе быръёнъёс мон сямен...
Котьку но быръёнъёс котькыӵе калыклэн, дауръёсы вал валтӥсез улоназы. Котьку калык быръе вал аслэсьтыз вылӥ кивалтӥсьсэ, кузёзэ.
Быръёнъёс со тужгес но валтӥсез асьме улонамы. Малы ке шуоно быръёнъёсын ми ас азьлань улонмес, кыӵе со луоз, бырйиськом. Со пыр ми турттӥськом ас улонмес умойгес карыны.
Но туала калык политикае вокщё зымемез уг ни пот, малы ке шуоно,  аслам учкемъёсам, туала егит, таза, мӧйы калыклы котьмар мед вералоз вылӥ кивалтӥсьёс, шонер-а со, ӧвӧл-а, со одно ик кылзоз сое, но лэсьтоз мар косӥз. Калык синтэм, алигес вордӥськем писейпиос кадь, уг адӟо ай, но куараез анаезлэсь кыло ини но со доры мыно. Но сое воштоно, ми кулэ кивалтыны кивалтӥсьёсынымы. Ми кулэ асьмелэсь мыжыкмес возьматыны но мед умой уломы шуыса асьмемыз пуктыны соос азьын кулэ.
Котькуд адями кулэ со быръёнъёсы пыриськын. Ӧвӧл шуоно  "мон понна ваньмыз каремын ини". Кулэ котьку но аслэсьтыд кылдэ котькытчы но пуктыны.
Калык, малпаськы кин понна куарадэ сётыны, бырйы аслэсьтыд азьлань сюрестэ ачид.

  

среда, 16 ноября 2011 г.

Вотэсын потоз удмурт кылъя онлайн курсъёз...


"Удмурт Элькунын усьтӥськоз удмурт кылъя онлайн курсъёс. Сое пӧрмытын турттэ Йӧскалык политикая министерство " - ивортӥз озьы министерство. Кызьы ивортэ йӧскалык политикая министрлэн воштӥсез, Лариса Николаевна Буранова, коньдон, та онлайн куръёс ужрадэз быдэстон понна, висъяськозы элькунлэн целевой ужрадэзъя,  Удмурт Элькунын вужкат "Кун кыл Удмурт Элькунын но мукет кылъёсты, кудъёсыз уло Удмурт Элькунын сярысь"  быдэстымон йырин.  Кызьы вера ачиз: "Та онлайн курсъёсты лэсьтон сярысь вераськон мынэ ини тулысысен. Со ваньмыз луоз вотэсэ пыртэмын, мед ваньзы та сярысь лыдӟын быгатозы шуыса, но мед ваньзы тодозы шуыса та сярысь. Та луоз нырысетӥ курсъёс, кудъёсыз бордаз кыскозы 14-сен 16-ать аресозь пинал калыкез."
Онлайн куръёсы пыртэмын луозы аудио, видео ужкагазъёс но мукетыз. Озьы ик онлайн курсын дышетскисьёс быгатозы вераськыны адямиосын, кудъёсыз со кылэз тодо, но мукетъёслы быгатозы сётыны вераськон пыр.
Оскиськом та ужрад палэнэ уз кыльы шуыса, одно улӟоз, азинтӥськоз азьланяз но туж пайда ваёз асьме но мукет калыкъёслы.

понедельник, 14 ноября 2011 г.

Удмурт Элькунын усьтӥськоз блоггер лэсьтӥськонни...

  Социальной вотэсъёсын ужаны, валаны соосты  3-5 матэктӥсь аръёсы  туала калыклы луоз сыӵе ик, кызьы лыдӟиськын но гожъяськын быгатыны.
Сое валаны понна усьто та блоггер лэсьтӥськонни.
Блоггер лэсьтӥськонни - со дышетӥсь ужрад, кудӥз лэсьтӥськоз   «Консалтинговой огинэн Донских», кудӥзлы юрттэт сётэ егӥтъёсын ужась министерство Удмурт Элькунын, Егитъёслэн огинэ бичаськонъя совет Федерации Удмурт Элькунын но факультет журналистики Удмурт Кун Университитлэн.
Та куръёс кыстӥськозы 20 час мында. Дышетсконъёс ортчозы 2 пол арняяз, 5 арня куспын.
Со дыр куспын дышетскисьёс дышетозы вань лушкем кылдытонъёс сярысь, нуон сярысь, калыке поттон понна но коньдон поттон понна асьсэ яке трос адямиосын кылдытэм блогенызы.
Ужрадлэн валтӥсез:
1. Блоггер удысэ пыртон. Кызьы блог лэсьтыны. Аслад блог. Трос адямиен кылдытэм блог.
2. Вотэс ужъёс, кудзэ кулэ тодыны блоггер.
3. Гожъям вылын ужан. Кызьы гожъяны материалъёс, кудъёссэ лыдӟозы.
4. Гожъямъёсты умоятыны утчаськон системаослы. SEO*-коперайтинг*. SEO-гожъямъёс.
5. Ивор лентаен ужан. Гожтӥськисьёс кин быгатозы луыны.
6. Блогез социальной вотэсын вӧлмытон. SMM*-технологиос*.
7. Коньдон поттон йырин блог кылдытон. Оло кӧня луэ коньдон поттыны? Лушкемъёс со ужын ужасьёслэсь.
Али та ужрадэз быдэстон понна ужало ай. Ку йылпумъялозы но кытын со ортчылоз ивортэмын луоз бергес.
Та сярысь тросгес луоз тодыны   http://donskih.ru  чӧлсконысь.


*  SEO-коперайтинг - ужкагаз, кудӥз вера, блогез адямиос сяна уг лыдӟо, озьы ик лыдӟо утчаськон системаос, но потэ мед со блог нырысетӥ интыын луоз шуыса утчаськон системаосын. 

* SMM-технологиос - аслад огъя вераськон интыез лэсьтон; 
* SEO — утчаськон капчиятон.
* SMM — медиа-маркетинг, вотэс-лавка, контекстная реклама, вирусное видео.

пятница, 11 ноября 2011 г.

Надя, Надюшка кырӟа, кырӟа, кырӟа……


Творческой ӝытэз Надежда Уткиналэн.

Туж бадӟым праздничной ӝыт, кудӥз сӥземын 45 арес тырмемлы уӵы кадь кырӟась нылашлы Надежда Уткиналы, но 20 ар сцена вылын кырӟамезлы.
Та ӝытын тӥледыз оло мар но возьма: кырӟанъёс, кылбуръёс, эктонъёс, выльсям возьматон, видео возьматон, но яратон, шулдыр ортчытон дырез.

Пыриськозы та ӝытэ – «Золотая мелодия» оркестр калык арбериосын, «Арсенал-Бэнд» концертной оркестр, «Ижевск» хореографической муниципал ансамбль, Ижкар муниципал камерной хор П.И. Чайковской нимъя, вокальной оркестр «Русь», ансамбль удмурт кырӟанъя «Купанча» (Воткинской ёрос), егитъёслэн «Неофолк» нимо выльсям возьматонъя студия, хореографической ансамбль «Родничок».

Озьы ик кырӟалозы на – Иван Григорьевых, Ирина Габитова, Светлана Ермакова, Анна Плотникова, Марина Галичанина, Эльвира Панченко, Татьяна Ишматова,Виктор Никифоров (Менделеевск кар), Ольга Барышникова но Алексей Мельниченко (Глазкар), Сергей Кунгуров (крезь), Людмила Маслова (крезь), Владимир Фирстов (балалайка), Константин Кунгуров (баян).

Нош нуисьёсыз луозы – пинал, егит, котьку паймытӥсь Алексей Ложкин пияш, но туж чебер, мусо, котькытчы вуттӥськись Света Кибардина нылаш.

Аслэсьтым верасал на, ӝыт туж но туж данлыко ортчоз, туж шулдыр луоз быдэс концерт. Нокин но уз жаля татчы лыктэмзэс. Туж бадӟым программа тӥледыз возьма.

Шулдыр нунал удмурт калык доры вуиз

45 арес Надежда Уткиналы ява шуккиз.

Нош эшшо одӥг юбилей

Милемыз возьма татын.

Кызь арез я сцена вылын

Кырӟа, эктэ, шулдыртэ

Егит нылаш Надюшка.

вторник, 8 ноября 2011 г.

«Чипчирган» – уг тырмо пиос?



Марлы уг тырмо пиос тӥляд коллективады? Марлы уггес пырисько?

Ирина Пчеловодова – Туж умой юанэд. Мынам но весь таӵе юан йырын кылдэ. Марлы уг тырмо? Кызьы тае валэктыны мон ачим но уг тодкы, малы ке шуоно пиос котьку но уг тырмо вал. Соос котьку пичигес, ичигес, шуода мар-а, нылъёс котьку тросгес вал, но нылкышноослы. кырӟан, валамон ини, матынгес. Малы ке шуоно ми татын тросгес кырӟаськом, эктӥськом но. Но кырӟан котькуд дыре вал нылкышноослы матынгес вал, но таиз но шонертэм веран, малы ке шуоно пиос кырӟась удмуртъёс пӧлын туж трос вал, но война бере, трос воргоронъёс быремын вал, но соин ик кырӟан кылиз нылкышноос вылэ, шуом-а мар-а. Соин али сыӵе малпан кылдэмын, кырӟан со нылкышноослы гинэ кадь шуыса. И соин дыр пиос, кудъёсыз гуртын будэмын уката, соос адӟо, кырӟало кышноос гинэ. Фольклоре пырисько, клубъёсын кыӵе ке коллективе кышноос гинэ, марлы ке но пиосмуртъёс уг пырыло. Мон малпасько, соос шоры учкыса, асьсэлы сыӵе малпан кылдэ, пиосмуртлы со кулэ ӧвӧл кадь шуыса. Но соиз шонертэм, малы ке шуоно пиос котьку кырӟась, пиосмуртъёс котьку данъямон адямиос вал гурт пӧлын шуод-а мар-а. И даже тини Кияса ёросэ ветлыкумы Анисимов Коляен гожтӥм, соослэн даже юри вал сыӵе, сям кыӵе ке ортче ке, соос корка пыро, коркась корка ветло ке, со кырӟась пиосмуртэз коркалэн шораз пуктыто и косо асьсэлэсь гурзэ кырӟатыны, но соос тинь ӵош кырӟало. И эктӥсь пиосмы туж кужмо адӟисько вал, и соосты возьматыны кулэ вал. Ну мон малпасько со одӥг малпан, что тини фольклоре ӧжытгес пырисько соос тинь гуртын адӟо шуыса, о-о ведь. Но валамон пиосмуртъёс ӧжытгес вообще нылкышноослэсь шуыса. И вот татчы соос сыӵе ик ук пырыло. Ну шумпотӥсько соос лыкто ке, малы ке шуоно соос туж зол экто, кырӟало но, и мелемлы туж кулэ вал тоже тини шудӥсьёс арганэн-а, тини шуом арганчиос тросгес кулэ вал. Вообще жаляса верано тини арганчиос али ӧжытгес кылемын. Вокщё паймымон кадь, малы ке шуоно тини вить ар талэсь азьло трос арганчиос вал. Даже малпан но ӧй вал кытысь шедьтод шуыса. Табере соос, жаляса верано, ӧжытгес кылемын ини. Яке гуртын ӧжытгес шудо ини, тоже уг ни адӟо дыр шудэмъёссэз, соин-а мар-а ӧжытгес, озьыгес кадь потэ.


Нош «Чипчирган» ансамбле котькин но быгатэ-а пыриськыны? Яке Удмурт Кун Универитетысь гинэ, оло эшшо кыӵе ке сыӵе дышетскон юртысь?



Мон тазьы верало, «Чипчирган» со кылдэмын Удмурт Кун Университетын. И основной курс со огазьяны та Университетын студентъёсты. Со пуктэмын вылӥсь озьы, студентъёс мед пыриськозы шуыса. Но мон пумит уг луиськы куке мукет Университетысь но лыкто. Со шумпотон гинэ. Адӟиське, соос данъяло ке удмуртлыкез, соос лыкто ке, ми шумпотӥськом гинэ.

Нош луыло-а кыӵе ке керетонъёс, вожвылляськонъёс, валантэмъёс ансамбыляды?

Ну оло кыӵе дыръёс луыло тоже, куддыръя. Ну кызьы мон шуыса, сыӵе ваче керетон мон ӧй верасал. Татчыозь ми ӵош улӥськом ваньмы. Татчыозь ог-огмес валаськом, соин ик ӵош возиськиськомы. Ну куддыр семьяын кадь луыло пичи керетонъёс. Мон малпасько, ми одӥг семья кадь, тинь семья куспын оло мар но луылэ. Татын но милям тоже озьы ик луылэ. Ну ог потӥськом собере ваньмы вераськыса, малпаськыса.

Нош тань нырысетӥ курсэ вуэм калык пыриське-а та «Чипчирган» ансамбле? Оло ансамбль сярысь калык сыӵе ик уг на тод, сыӵе ик тодмо ӧвӧл на я?

Ну мон уг тодӥськы тодмо-а ӧвӧл-а «Чипчирган» шуыса. Студентъёс ог-огенызы верасько кадь, мыным потэ, уг тодӥськы. Соос тодыса кадь лыкто дыр ини.

Таяз аре трос-а нырысетӥ курс пыриськиз ансамбле?

Нырысетӥ курсъёс али гинэ лыктыны кутско ай. Тросэз ӧвӧл. Вот алигес лыктыло тоже, весяк соин весь выль адямиос лыктыло. Куддыръя, лыктӥськод, паймиськод «осто нош выль адями лыктэмын шуыса» и выльысен кутскиськод валэктыны кызьы ужаны. Ну али тани ар кутскемын ай. Ну кык, куинь толэзь дыр кулэ на эшшо, но соос кыскиськозы дыр ай али лыктыса, мон малпасько. Ну пырыло-пырыло, лыктыло тинь озьы.

Нош выль адямиосты, кудъёсыз тинь озьы бергес пырыло, шуг-а сётӥське дышетыны?



Ну секытгес конечно. Тань кин ке но колективе кыӵе ке пыремын ини, тинь дась адямиос. Кинь ке но алигес игнэ лыктэмын, соин выремын ӧвӧл. Выль дышетон со котьку секыт. Соин ик, ну ми шуиськом пересьёс, кин кемагес ветлэ ини, ми соос вань ке туж шумпотӥськом, малы ке шуоно соос милемлы туж бадӟым юрттэт сёто. Но озьыгес луылэ милям, пересьёс туж ӝог, чаляк кошко. И милемыз кельто, и ми Валентина Васильевнаен выльысен ӵош кутскыны кулэ соосты дышетыны. Секытгес конечно со милемлы йӧтэ, но мар карод, со сыӵе коллектик. Со весяк озьы луэ, выль адямиос весяк лыкто.

Нош адиськоды-а тӥ соослэн синъёсызьтызы ӝуась кизилиос, лыктэмзы, мыл потыса лыкто шуыса, кырӟамзы потыса?

Лыктыло ке, мон малпсько, соослэн мылкыдзы вань. Адиӟсько, соослэн кырӟамзы но потэ, эктэмзы но потэ, ьлдэмзы но, валамзы но потэ. Ну всё равно вань-вань, соосын озьы капчигес но ужаны, соослэн мылкыдзы вань шуыса.

Нош «Чипчирган» ансамбльлэсь кыӵеен адӟиськоды азьпал сюрессэ? Кыӵе азьпал концертъёсын выступать карыны пыриськиськоды?

Ну нырысетӥ ужпуммы асьме со конечно концертъёс, малы ке шуоно ми кулэ возьматыны удмурт фольклорез, ми озьы ик «Чипчирган» ансамбль кылдэмын вал удмурт фольклорез утён понна, возьматон понна, улӟытон понна, и кызьы сое возьматод, конечно концертъёс пыр. Концертъёсмы милям туж трос луозы. Тинь куарусён толэзе милям ньыль-а, вить-а вал выступленимы. Коньывуон толэзе тини тоже бадӟым фестивале пыриськом. Йӧкынмон толэзе но тинь трос пуктэмын ини, отчы но татчы но ӧтё тинь озьы.

Валентина Васильевна – хореограф, удмурт эктонъёс пуктылӥсь.

Мон хореограф, но хореограф со мынам яратоно йыринтон. Мон нырысь ик психолог, доцент психологии и развития тодосъя кафедралэн, тодосчи психологической тодосъя. Соин психолог сямен мон верасал нырысь юанлы веран марлы пиос уг пырисько шуыса?


Эктон коллективъёсын со котьку но озьы. Котькыӵе коллектив мед луоз: профессиональной, яке пичиослэн, яке дышетскисьёслэн – котькудаз пиос уг тырмо, ваньзы бӧрдо со йырин. Мон психолог сямен верасал тазьы: нырысьсэ, эктон, кырӟан но крезь пиналъёсын басьтӥське, уката нырысетӥ классъёсын но подростковой возрастын со валаське пичи муртлэн ужез кадь ик(детское занятие), пичи мурт кадь (детскость). Но собере будэмзы бӧрсьы соос та ужлэсь. Соос кошко, мон малпамея будэмъя та ужлэсь, марлы ке шуоно соослэн уг ни пыр со будэмъя сямазы (не вписывается в мужской характер) бадӟым адямилэн пӧрмазы. Соин кыӵе ке эктонъёсы, яке кырӟанъёсы пыриськон со кышномуртъёслэн ужазы кадь ик ужаны нимаське. Соин мед сое карозы нылпиос но нылъёс.

Но нырысь куке мон лыктӥ вал «Чипчирган» ансамбле, отын вал тросэз пиос. Но соослэн чик но уг пот вал эктэмзы, соос солэсь кошко вал. Но собере мон кутски нылъёслы эктонъёс пуктылыны. Соослэн луыны, пӧрмыны кутскиз. Оло кыти но эктыса ветло вал соос. Но со бере гинэ пиос валазы, но асьсэос куриськын кутскизы эктыны пыриськон понна.

Кинэн умойгес ужаны? Кин шаплыгес дыше эктонъёслы?



Нылъёсын умойгес, но капчигес ужаны, марлы ке шуоно соослэн со эктон выронъёссы виразы ини пыӵкмын. Соос коть кыӵе движениез шаплы валало кызьы карыны. Нош воргоронэн со шуггес сётӥське.

Корепанов Саша, Балезино ёросысь Ушур гуртысь пияш. Дышетске Удмурт Кун Университетын, удмурт филология факультетын, кыкетӥ курсын.

Нош кытысь тон тодӥд таӵе «Чипчирган» ансамбль вань шуыса?



Ну мон ачим кырӟаны туж яратӥсько, но поступить карыны малпасько вал колледж культурая дышетсконние, народно-хоровой творчествое. Но эшшо документме сётӥ филология факультетэ. Отчы но татчы но поступить кари мон. Соин клубысь ужасьёс мыным татчы мын шуыса вераза. Татчы, малы ке шуоно татын «Чипчирган» ансамбль шуыса. Соин мон лыктӥ татчы «Чипчирган» ансамбле.

Нош аслыд кельше-а татын?

Бен, туж кельше мыным татын. Задор мылкыд ӧвӧл ке, татын одно ик задор мылкыд ӝутске кырӟаса. Куддыръя витиськод ни ку вуоз репетиция шуыса, ку мыныны, кырӟаны. Хоть куддыр уг пӧрмы ке но кыти оти, всё равно ветлӥсько, мала ке шуоно кельше.

Мон адӟи туннэ тон огнад пиос пӧлсысь вал шуыса. Нош ӧвӧл-а кыӵе ке возьдаськон нылъёс пӧлын озьы кырӟаны, яке нылъёс тыныд наоборот кужым сёто-а?

Азьло кышкытгес вал, малы ке шуоно мынам куарае кылӥське ваньмызлэсь умойгес, ну нылъёслэн мукет, мынам мукет куарае. Но али дыши ини. Нокыӵе но уг ни поты. Куддыръя вуыло пиос, но соос шер ветло, параоссы оло луо, соин ик уггес вуттӥсько куддыр.

Нош мар тон верасалыд Ирина Пчеловодова сярысь? Кыӵе со кивалтӥсь?

Туж умой со. Вань янгышъёсты шӧдэ ке, ваньзэ со валэктэ. Кызьы кырӟан пушкы пыроно, кырӟанэз валан понна шуыса валэктэ со. Туж умой ваньзэ валэктэ.

Нош вал-а сыӵе керетон дыръёс нылъёс пӧлын оло кивалтӥсен?

Ӧй на вал сыӵе учыръёс, ваньзы туртто кылдытыны, верамезъя, туж умой омыр коллективамы.

Уз но луэ дыр, мон малпасько…

Тулыс сое мерттӥмы
Трос пол ву ми кисьтамы
Гужем тыр бадӟым будӥз
Бичаны дырыз вуиз
Сӥзьыл сое бичамы
Мурджолэ сэ пыртӥмы
Толалтэ эмъюм быриз
Кешырлэн дырыз вуиз
Мурджолысь сэ поттыса
Миськыса но сюзяса

Терка пыр мон сэ лэзи
Калленэн сое сии.

алдар агай


Мӧзмыт туннэ огнам,
нокин уг лык дорам
валасал ке кин ке тае
кызьы мыным кулэ сое,
мае мон вань улон малпай,
малпай..но малы ке алдай
Ачим асме мон серектӥ
Дыр ортчыса умме уси

Уй, тылъёс, корт валъёс.


Пеймыт Уй пуксиз ми вылэ сюрэсын,
Кизилиос Инбамын туж чебер пиштыло
Мынӥсько корт валэн (поездэн ӟуч сямен)
Кыдёке кыстӥсько та чугун сюресъёс.
Туж умой поездэн мыныны та уен
Чылкыт куазь, выль малпан, туж чебер та инбам.
Укноме усьтӥсько чылкыт омыр пыртӥсько,
Туж капчи мылкыдын мон шӧмзэ утчасько.
Туж небыт, туж ческыт со нюлэс омыр.
Сюлэме пыӵамон со мугорам кырмиськиз.
Ноку но уг ни вунэты мон со дуно но ческыт омырез.
Котькыӵе луозы мед шуг секытъёс
Омырез малпаса мон ваньзэ вунэто.

«Азьлань» Удмуртия


Алигес ортчиз «Единая Россия» – лэн бичаськонэз, кудаз асьсэлэсь кылъёссэз веразы милям вылӥ кивалтӥсьёсмы. Таӵе соос: Вера асьме Удмурт Элькунмылэн кузёез Александр Александрович Волков «Вперёд, Удмуртия» проектлэсь кулэзэ: «Та ужрадлэсь кулэзе мон адӞисько со пыр, мед та ужрад ас бордаз кыскоз шуыса Удмурт Элькунын улӥсьёсты, кудъёсызлэн сюлэмзы висе асьме улосмы понна. Милемыл кулэ соослэн ӵектонъёссы, кудъёсыз мынозы умой карон понна али асьме дӥнъетӥсь, трос ужпумъёсысь потон, пичиысеныз кутскыса, бадӞымозяз – азбарез лэсьтонысен, умоятонысен, тротуар лэсьтонысен, кыӵе ке выль инновационной ужпумъёсозь (ужпумозь). Кулэ ӧвӧл калыклы кыл сётыны ваньзэ али ик каромы шуыса. Со ӵектонъёсты ми кулэ бичаны, ваньзэ учкыны но, кудӥз тужгес но али ик куре со вылын ужамез, быръёно но али ик лэсьтыны кутсконо асьме быгатонлыкмыя. Со статистика пӧрма луоз, кудаз нырысетӥ инты басьтозы со ужпумъёс, кудъёсыз тужгес но воринъяськытэ калыкез. Куд-ог ӵектонъёсты луоз ӵуказе ик лэсьтыны, куд-ог ӵектонъёслы толэзьёс, аръёс кулэ луоз лэсьтон понна. Валтӥсез талэн – со калыкез кылыны но ваньзэ лэсьтыны, соослэсь ужпумъёссэз быдэстыны.» Оскисько, тросгес калык татчы пыриз ке «Азьлань, Удмурт Элькун» («Вперёд, Удмуртия!») ужрадэ, сокем бадӞымгес оскон солэн азьланьтӥськонэзлэн. Мон ачим но 4-тӥ толсурозь пумиськыло калыкен, но верало кыӵе ужрадъёсын ужа асьме партиямы, асьме бервылмы сярысь, кудъёсыныз ми мынӥськом быръёнъёсы. Калык кулэ тодыны «Единая Россия» партиялэсь умой ужъёссэ» – быдтӥз Александр Волков. Солэсь кылъёссэ юнматӥз ас веранэныз региональной политсоветлэн секретарез, Госсоветлэн председателез Александр Соловьёв: «Талэн валтӥсь малпанэз «Азлань, Удмурт Элькун!» кык пунктлы люкиське. Одӥгез со – валтӥсьёс пӧлысь, кин синъёссэ ворса калыклэн шуг-секытъёсыз шоры, кудъёсыз асьсэлы коньдон поттон понна вылӥ интыенызы пайдалыськыса, шедьтыны соосыз но поттыны, куштыны соосты ужысьтызы. Кыкетӥез со – калыклэсь кивалтӥськонъёссэс умойгес карон понна, мед соос асьсэ инициативазэс кыре поттозы шуыса, асьсэлэсь малпанъёссэз мед вералозы, мед вералозы кыӵе шуг-секытъёс вань улоназы, но мар сое быдтон понна кароно. Асьсэос мед кивалтозы ужъёсын, кудъёсыз лэсьтӥсько коркаын, азбарын но урамын – отын, кытын уло соос асьсэос но кытын пумиськыло оло кыӵе но шуг-секытъёсын.» Та ужрад, мон малпамея, туж пайдаё луысал, малы ке шуоно кулэ вал ини малпаны сыӵе ужрад, кудаз котькуд адями быгатысалыз вераны аслэсьтыз кылзэ, аслэсьтыз ӵектонзэ. Озьыен, мон оскисько, та выль ужрад азьланяз но улоз, уз дугды ужамысь быръёнъёс бере, но туж пайдаё луоз асьме Удмурт Элькунын улӥсь калыкмылы.