пятница, 21 октября 2011 г.

Вакчиятэм нимтул… воштӥськон вуиз ведь…

Марке али тань йырам шуккиз ас блогелэсь ӵӧлсконзэ воштыны. Мыным та воштӥськонэз Олёш Шкляев мадиз. Ма мынам туж потэ вал кык валтӥсь бам мед луоз шуыса блогам, нош вуж адресъя уг луы вылэм озьы карыны. Кулэ куинетӥ доменысь, кыкетӥ доменэ выжыны. Со понна коньдон тырыны кулэ луиз, кызьы сотэк. Коньдон 100 манет гинэ тырыны кулэ, но котькуд ар кулэ луоз 100 манет кисьтыны та сайтам. Но эшшо хостинг понна тырыны кулэ пе вал но, мыным кузьым кадь ик “Удмуртлык” огинлэсь со понна тыроно кулэ уз ни лу.

Озьыен выльдӥськонъёс мынам ульчаын но потӥзы))) шумпотӥсько та понна туж но туж)))
http://sankobatyr.ru/ та мынам выль адресэ табере луиз)))

среда, 19 октября 2011 г.

Мон али Моя Удмуртия телерадиокомпаниын


Тань весь Бикузин жингыртылэ
вень монэ ӧте
сниматьтиськын пе кулэ
телике поттэмез потэ.
мон соин соглаш луи
одно татчы тань вуи.
кема мынны кулэ ӧз луы 
ИжГТУ - ысь лыктын шеди.
Вот тани пыри татчы
афишазэс мон адӟи
отын соослы туэ
дас арес пе я тырме.
концерт пе карыны туртто 
трос калыкез отьыны тыршо
10 арес круглой дата
трос коньдон вложитьтоно ява.
но соиз ини фигня
кулэ гинэ чебер кылъёс
кудзэ веран быгатоз 
ведущей тыршись ужась.
Но али тани мон азьын 
берга усто камера
нош солэн хозяинэз 
луэ Бикузин Саня.
отчы татчы со ветлэ
нервничать ява каре
снимать карны усто кулэ. 
трос ява малпан кылдэ
кызьы ымнырез сниматьтоно 
кызьы камера пуктоно
кызьы сое лэсьтоно
йырын ваньзэ малпаськоно.

марке Бикузин татын
панорамаез быдтэ,
кыӵе ке посудазэ
со экран доры кельтэм.
кесяське оператор
"Сыӵе кадырез быдтӥд" 
ведь сыче со кариз вал ни
туж озь но тазь но кариськиз вал ни, 
ну да ладно со шуиз
азьлань сниматьтын кутскиз

вторник, 18 октября 2011 г.

список кытчы можно мыны 19 коньывуонэ в промежуток времени от 18.00 до 19.00:

список кытчы можно мыны 19 коньывуонэ в промежуток времени от 18.00 до 19.00:

1. Гала-концерт и открытие международного финно-угорского фестиваля молодежной этнокультуры «ПАЛЭЗЯН» и Дней родственных народов в Удмуртской Республике. Концерт финно-угорских коллективов и исполнителей в Национальном театре УР. кутсконыз 18.00

 


2. Лэсьтэ Светлана Константиновна Смирнова ӵош бичаськон, кудаз туж важной тема ӝутӥськоз. Пумиськонлэн темаез - информатизация но вылӥ кивалтӥсьёс в социальных сетях. Пумиськон луоз Светлана Смирноваен, кивалтӥсен приемной Президента России Удмуртииын,  Роликсын 19 коньывуонэ 2011 г.  19:00 часысен. 



3. "Кык Кизилиос" шулдыръяськонни)))  
"Кык кизилиос" мар со сыӵе? Со асьме Удмурт Элькунысь туж но туж тодмо артистъёсты, кырӟасьёсты но мукет удысын ужасьёсты огинэ бичан. Татчы пырисько: Любовь Быкова, Светлана Ермакова, Валерий Сидоров, Наталья Матвеева, Ирина Габитова, Оксана Бисар, Альбина Дуркина, Владимир Соловьёв, Геннадий Бекманов, Анна Плотникова, "Малпан" огин, "Гербер" огин, Галина Платонова, Марина Галичанина. 

     Соос пӧлын ортчыто быръёнъёс - Кин, кин соос пӧлысь тужгес но умойгес кырӟа, ассэ сцена вылын возьыны быгатэ, калыкез шулдыртын быгатэ, кин самой самойез соос пӧлысь. Тодомы 19 коньывуонэ. Кутсконэз 19 часын Удмурт Кун Филармониын.

Быръелэ эшъёс кытчы мынэмды потэ. А мон дорам ... 

среда, 12 октября 2011 г.

Отчы оло татчы мыноно? Удмурт Элькунын улӥсьёслэн бырйиськон потӥз... кин кытчы мыноз, оло кыказ ик вуттӥськоз?

Оло кыӵе но ужрадъёс ортчытъяны кутскизы Удмурт Элькунын. Соосыз пӧлын "Палэзян" но "Кык кизилиос". Нош кыӵе со ужрадъёс? Мар со сярысь веран луэ...

Нырысь кутскоз "Палэзян" ужрад 19 коньывуонэ 18 часын Кун театрын. Отчы пыриськон понна лэзизы заявкаос: Юго-восточной Финляндииысь «KEIKU» эктон огин, фолк-группа «RYMAKKA», тодмо Финляндиысь бычырась кантелен Минна Раскинен, Мордваысь арт-фолк огин «Морденс»,марийской народной фольклорной ансамбль Сарапул карысь «Чолман Йук», шарканысь вокально-инструментальный ансамбль «Даур герзет» но киясовысь уждэмен ансамбль удмурт кырӟанъёсын «Чебер апайёс». Ижкарысь пыриськисьёс - бичаськонни традиционной эктонъёсын «Эктон корка», «Птицы - Тылобурдо», этно кырӟась Мария Корепанова, калык эктонъёсъя бичаськонни «Чебеляй», фольклорно-этнографической ансамбль «Чипчирган», фолк-металл огин «Гаруда», театръёс но выльсям возьматӥсь «Неофолк» огин, «Квилт» и «Сезоны 10».
Аслэсьтым верам потэ на. Туж бадӟым сценарий, туж трос калык татчы пыриське. Малпасько туж умой ортчоз.



"Кык кизилиос" мар со сыӵе? Со асьме Удмурт Элькунысь туж но туж тодмо артистъёсты, кырӟасьёсты но мукет удысын ужасьёсты огинэ бичан. Татчы пырисько: Любовь Быкова, Светлана Ермакова, Валерий Сидоров, Наталья Матвеева, Ирина Габитова, Оксана Бисар, Альбина Дуркина, Владимир Соловьёв, Геннадий Бекманов, Анна Плотникова, "Малпан" огин, "Гербер" огин, Галина Платонова, Марина Галичанина.
 Соос пӧлын ортчыто быръёнъёс - Кин, кин соос пӧлысь тужгес но умойгес кырӟа, ассэ сцена вылын возьыны быгатэ, калыкез шулдыртын быгатэ, кин самой самойез соос пӧлысь. Тодомы 19 коньывуонэ. Кутсконэз 19 часын Удмурт Кун Филармониын.
Кин ӧз лыкты, со туж троссэ ыштоз. Нош кудаз мыныны асьтэлэн ини мед йырады быръён мыноз. Мон таиз сярысь тӥледлы кенеш сётыны уг быгатӥськы. Кыкез ик соос туж усто ужрад, кин мар но медаз вера та сярысь. Малпасько ваньмыз ортчоз вылӥ разрядэн. )))

понедельник, 10 октября 2011 г.

Корреспондентъёс вань иворъёслы шумпото... Я кулон мед со луоз, я кыӵе ке шумпотом... Соослы со шулдыръяськон кадь ик... Материал вань мар снимать карыны...

Корреспондент со адями, кудӥз котькытчы но вуттӥськын турттэ, кудӥз котьмар сярысь но веран турттэ.
Котькуд аръёсы корреспондентъёс вал туж шаплыесь адямиос, малы ке шуоно соос котьку но нырысетӥ иворъёсты кыло вал, но милемлы со иворез возьматыны туртто. Соослы котькыӵе ивор мынэ шумпотыса.
Алигес вераськи одӥг сыӵе ужын ужась адямиен, кудӥз вераз мыным: "Ми шумпотӥськом котькыӵе иворлы. Коть со кулэм мед луоз, коть шумпотон. Ми калыклы сое шаплы возьматыны турттӥськом. Милемлы котькуд нунал кулэ кыӵе ке ивор, соин ик вань ивор со туж умой милемлы потэ. "УРА!!!" - шуыса ми пуксиськом машинае коть кыӵе ке учыр сниматьтын ке мынӥськом."
Тунсыко со корреспондент уж, аслым но туж кельше, малы ке шуоно оло кытчы но вуыны луэ ужаськод ке та удысын. ))))))))))))))))))))) 

четверг, 6 октября 2011 г.

Аллах Кремльын пуке лэся вылэм...


Толон ортчиз одӥг туж бадӟым шулдыръяськон Чечня улосын Грозной карын. Толон тырмиз 35 арес Чечнялэн азьмуртэзлы - Рамзан Кадыровлы. Соин туж трос кисьтэмын вал коньдон отчы со шулдыръяськонэз ортчытон понна. Возьматӥзы сое "Россия 1" каналтӥ.

Кӧня ке учки мон сое, но ужъёс тросэн ӧй ни учкем пот. Ма со йырин но ӧвӧл. Мынам учкем уг поты сыӵе шулдыръяськонъёсты. Адӟиське трос, туж трос, марке мында отчы уксё так юнме кисьтэмын. Таӵе учырлэсь мынам но вӧзтӥз учкыса кошкем уг луы, малы ке шуоно та туж урод мынам тема пушкам. Мынам уг лу учкем, кызьы асьме уксёен мукетъёсыз, кинъёс милемыз: пуштылляло, виыло, возё - шулдыръясько асьме Москвае лэзем уксёен - налоген, кудӥз Удмуртиялэн 80 % луэ вань поттэм барыш пӧлысь.
Кызьы верало "The Telegraph", Великобритания газетын ужасьёс: "Одӥг Ванесса Мэй скрипачка понна тыремын вал 500 сюрс доллар коньдон. Но эшшо марке мында вал кисьтэмын коньдон мукет кизилиос понна, кудъёсыз отчы вуизы."
Нош кытысь коньдон та ваньмыз шулдыръяськон понна юанлы, Кадыров таӵе веран сётӥз: "Аллах сётэ. Уг тодӥськы. Кытысь ке но потэ коньдон"
 Нош та вань шулдыръяськон понна уксё сётӥз милям яратоно Кремльын кивалтӥсьёсмы. Собере Аллах Кремльын вылэм пуке. Нош марлы собере соос Иньбаме учкыса вӧсясько?

Кадыровлэн кортежез. кинлэн уксёеныз басьтэмын??????????????? милям эшъёс, милям.

Кадыровез критиковать карисьёс ӵемысь кулыло. Соос пӧлы пыриськиз журналистка Анна Политковская, кудӥз сыӵе ужъёсты тэкшерылэ вал. Сое виизы аслаз корка пырон пушказ Мускоын 2006-тӥ арын.
Матысь дыре мынам но черодэ вуоз дыр. хе хе)))))))

Эшшо толон, куке со концерт мынэ вал, бускелелэн, кудӥныз квартира снимать каркомы, пелепонэз жингыртэ. Отын солы удмурт эшез вера: "Йыр кур, пе, вокщё таӵе ужрадъёсты быдэс Россиятӥ возьмато шуыса. Адӟем, пе, уг пот соосты. Асьмелэсь уксёмес соос быдто, кыӵе ке шайтан шулдыръяськонъёс понна. ......ки"


Марлы озьы али? Мар кулэ сое быдтон понна?




Кызьы тон учкиськоды адямиос шоры, кудъёсыз асьсэ кылзылэсь возьдаськыса удмурт сямен вазьыса но ӟуч сямен верасько?
Таӵе юанэн мон вазиськи калыклы. Мар солэсь пӧрмиз: 

Сергей Ёлкин (mr. Uri beri)
Соос просто не уверенные в себе адямиос, комплексовать каро дыр удмурт сямен верамькыны, мон угвозьдаськы вераны вотяк мон шуса, одик пол случай вал, мон шонертем верай одик кылзе мыным шуизы со шонер овэл сожи вотякьес пе варало, а мон верай а мон вотяк, причем чистокровный)э
Мишик Павлов (dj pavli mihej)
Мон соосты удмуртъёсын уг лыдӞиськы.  Удмурт уг возьдаськы аслаз кылызлэсь. Нош кин возьдаське со ВОТЯК.
Ирина Леонтьева (УдГУ вылӥ дышетсконниын, институт педагогики, психологии и социальных технологий факультетын дышетскись)
серем потэ. вшо)
Надежда Уткина - Заслуженная артистка Удмуртии
Вождэ эн вай, но мон уг оскиськы, удмуртъёс асьсэ кылзылэсь возьдаськыса ӟуч сямен верасько шуыса. Мыным потэ (ас шоры учкыса) соос уг тодо удмурт кылэз рос-прос, соин ик, возьдасько. Но кин удмурт кылэз умой тодэ, соиз мукет удмурт адямилы удмурт кылын вазиське.
Санко
Но вот вань мынам эше, кудӥзлы 26 арес ини. Удмуртэз туж умой тодэ. Но со телефон пыр, одӥг пол жингыртӥ вал но, монэн ӟуч сямен вераськын кутскиз. Мон нырысь ачим ӧй вала вал, со монэн ик вераське кожаса вераське-а, но собере мыным веразы агайёсы: «Солэн котыраз ӟуч эшъёсыз ке ужезъя вань, со Ӟуч кылын вераське.» 
А нош вот таӵе вань учыр. Сыӵе учыръёс трос уг. Мар таиз сярысь верасалды?
Надежда Уткина
Гордой луыны кулэ, тон мукет кылэз но тодиськод шуыса!
Ольга Урасинова - дипломатияя академиысь аспирант, Муско.
Одӥг ласянь, мыным жаль пото удмуртъёс, кин возьдаське анай кылыныз шара вераськыны.  Со ватскыса улэм кадь. Ӟучен вераськисьёсызлы но вазисьёсызлы леке уг поты. Асме соослэсь вылынгес шӧдисько. Со, уга, зэмос провинциализм, куке ассэ вылэгес пуктон понна адями ӟучъёс пӧлы тырше ассэ пыртыны.  Со дыре ик шенгыль-пенгыль вераське ӟучен но удмуртэн но. Ӝыные мурт выллем. зэмос маргинал.

Ачим нош та шоры учкисько тазьы. Котькуд удмурт адями кутске ке монэн вераськыны ӟуч сямен, куке шӧдӥсько мон солэсь удмурт луэмзэ, мон одно ик соин удмурт сямен вераськыны кутскисько. Собере со но кутске удмурт кылын вераськыны. 

 Али дышетскын пыри но ИжГТУ-э, отысь быдэс группаысьтым юалляськи кин тодэ удмурт кылэз. Одӥгез гинэ тодэ но вераське удмурт кылын, нош одӥгез вала гинэ. Соосын мон тыршисько удмурт сямен вераськын. Но вань одӥг одногрупнике, кудӥзлы удмурт кыл вообще, кызьы со шуиз «БЕСИТ», эн Ӟечбуръяськы шуиз монэн удмурт сямен. >____< таӵе знак лэзиз. Мон солы собере шуи. Тогда тон мыным «БЕСИТ» кылдэ ноку но эн вера но эн гожъя, малы ке шуоно мыным со кыл кышномуртъёслэн кадь потэ, но куке пиосмурт сое вера, мынам бамаз чабкем потэ. Озьы ми соин шедьтӥм одӥг кыл.
P.S. со сыӵе ныл кадь ассэ возе. Вераськемез но сыӵе ик. Ачиз анархистлэн дисьёсын ветлэ, берцыосын, нош мугорыз модель ныллэн кадь. ФУУУУУУУУУ.........
Возьдаськон амал туала ӧвӧл ини модной, менталитет вылэ возьдаськонэз куштон – серем со. Ужан кулэ культура вылын, но удмурт кылэз оло кытчы но пыртыны кулэ. Котькытын но вераськын соин.

вторник, 4 октября 2011 г.

Маргиналъёс оло лябъёс? нош али кыӵе?

Тӥ валамедъя кин со Вотяк?
Марлы со кыл исаськон кадь луиз?
Марлы золгес со удмуртъёслы относиться кариське?                               
Кыӵе валэктон сётэ милемлы Вотэс кин со сыӵе Вотякъёс шуыса?
Википедиаысь шедьтэм ивортон:
Удмуртъёс - вазьынгес вотякъёс нимасько вал. Пыро соос фин-угор калык пӧлы. Удмурт Элькунын но, мукет буськель улосъёсын улисьёс. Верасько Ӟуч но удмурт кылъёсын финн-угор огинъёськонлэн урал семьяысь. Осконзы православие но асьсэлэн калык пӧлын вӧсяськон амалзы – йыр-пыд сётон. 

Мишик Павлов
Вотяк кин со вераны уг быгаты, но удмуртъёсты мон малпамъя вотяк шуо акцентэн йыринь
Надежда Уткина.
Вотяк мон понна - огшоры, гуртысь потэм, удмурт воргорон.
Ӟуч, - кин городын вордскиз, со ноку но рос-прос уз вала гурт адямиез, жаляса верано. Соин ик Ӟуч кылын "дерёвня" интые "вотяк" кылъылдӥз. Со наднациональной кыл.
Удмуртъёс, преимущественно ,гуртын уло. Соин ик, милемлы больше относится)))
Ольга Урасинова.
Вотяк - со туж возьдаськись, ассэ ултиясь мурт
Мон понна исаськон кыл вотяк - со удмуртъёслэсь урод палъёссэс, кудъессэ асьмелы я муртъёс думо, я асьмеос асьмедыз озьы нимаськом
Со вань урод палъёсты одиг азе люкаса ик пӧрме вотяк.
Марлы золгес со удмуртъёслы относиться кариське?
Ӟучъёс вотякен милемыз нималлязы ултиян понна но, соин ик вылды
Санко-Батыр
Вотякъёс, мон валамъя, дышетскон юртын Удмурт Элькунэ сярысь ортчемея, со Ватка шур котырын улӥсьёс. Но со шур ведь Удмурт калыкез гинэ уг басьты. ӟуч калык но отчы пыре, Пермь калык но, но марлы ке удмуртъёсты гинэ озьы шуо, мон кылэмея.
Ольга Урасинова                               
Куке-соку Ватка шур котырын финн-угор калыкъёс гинэ улэмын.
Ӟучъёс, вылды, лыктыса удмуртъёсыз адземын но, соин ик нырысь удмуртъёсты озьы нимазы.
Вятичъёс-ӟучъёс но вань.
Мон малпамъя Вотяк кыл потӥз вазьын, куке удмурт калык пыре вал Вотской Автономной округе. Со бере ини кутскизы милемыз ниманы вотякъёс. Со вал дыр милесьтым лябмес шӧдыса озьы ниман. Исаськем пӧрма.
Туала калык, Удмурт Элькунын улӥсьёс, кудъёсыз Ӟучёмизы, удмурт калыкез исам каро на вотякъёс шуыса. Но вал таӵе учыр, куке мынам гуртысьтым нылаш, кудӥз мынӥз вал кыӵе ке краеведческой слётэ. Аслаз класэныз Отын солэсь удмурт кылын эшъёсыныз вераськемзэ кылиллям Ӟуч пияшъёс. Собере соос со нылашъёсты вотякъёс шуыны кутскиллям. Но милям тужгес но оло кытчы но чуркнаськись нылаш соосты интыяз пуктӥз. Со краеведениен туж умой тодэ вал вотякъёс сярысь, соин со вераз соослы: «Уд ке тодӥське ке кинъёс со вотякъёс, ымдэс эн усьялэ, малы ке шуоно тӥледыз дышетӥсьты вокщё дышетэмын ӧвӧл кадь ик астэдыс тӥ возиськоды. Дышетсалды ке краеведениез, то тӥ вотяк кылдэс но ӧт поттысалды, малы ке шуоно удмурт калык гинэ отчы уг пыры. Отчы пыро калыкъёс, кудъёсыз пырисько вал Вотской Автономной округе. Озьыен тӥ но пияшъёс ВОТЯКЪЁС луиськоды.» 
Мар луиз со пияшъёсын уг тодӥськы. Оло краеведениез дышетыны кутскизы. Но нылаш соосты интыяз пуктыны быгатӥз туж умой.
Котькин но котькызьы мед милемыз шуозы, но милям асьмелэн вань асьме ниммы - УДМУРТЪЁС. Озьыен азьло дырысь ми потӥм ини. 

воскресенье, 2 октября 2011 г.

Театр - со шумпотон котькуд нунал......


Котьку но театр аслэсьтыз нимзэ умоен возьматэ. Котьку но отын удмурт кылын лэсьто, пукто кыӵе ке тунсыко веросэз, яке романэз, яке комедиез.
Соин туннэ "Пужъятэм дэрем" возьматон карыны малпало вал удмурт блоггеръёслы. Реклама сётон понна, мынам кожамея, милемыз ӧтизы вал отчы.


Ӵукна вазь ик султӥ мон со нуналлы, 9-30-ын. Ой кема султыны курадӟи. А дак мар карод, султӥ озьы но тазьы, сыӵе нуналэ, театре мынон нуналэ султӥ.
Зор пыр дыртыса уг вуттӥськы ини шуыса мыни. Вуи. Бадӟым букваосын гожтэм мынэ экрантӥ. "Пужъятэм дэрем" Ӧсэз усьтӥ но выжыкылэ пыри.


Ваньмы пыримы "Пужъятэм дэрем" пуктонэз учкыны. Пуксим.
Кутскиз.

Вераське татын: 70-дон аресъем Паримон улэ пинал чебер кышноеныз. Котьмарлы оскись пересь, уг но шека вал алдаськонэзлы Грациялы, кудӥзлэн вал алама меретэз. Паримон шумпотэмын: яратыса кыктоослы со кариське соослэн атайзы кадь. Нош соослэн родной атайзы вал бандюга Паша Брыкин. Бускелез Грацияез весь узатэ вал, Грация соин валче кариське Паримонлэсь вань байлыксэ лушкам понна. Паримон вылэ вань пиналъёсыз сярысь сюлмаськонзэ куштӥз, Грация ас улонэныз улыны ӧдъяз – номыр сярысь сюлмаськытэк но чебер. Паримонлэн синъёсыз усьтӥськизы собере гинэ, куке Грация ассэ озьы возьыны кутскиз, со валаз кин со сыӵе Грация, но мар солы кулэ солэсь. Со куштэ солэсь кузьмам дэремзэ, кудӥз возьматэ вал зэмлыкез но чылкытэз. Грация быдтӥз, вииз осконзэ Паримонлэсь. Спектакль вуттэ малпаськонэ улон сярысь, чылкыт но зэмлыко яратон сярысь.

 Режиссер-постановщик- Заслуженный артист РФ, Народный артист УР В. Байков


Музыкальное оформление- Заслуженный артист УР И. Григорьевых
Художник-постановщик-   Н. Байкова


Вань дыр ортчиз туж шаплы. Валаса но ӧй вутты кызьы ортчиз. Кӧня ке минут кадь ик. Актёръёс сцена вылын туж усто шудӥзы. Вань кужымзэс сётӥзы. Туж умой ассэзэс возьматӥзы. Мон отысь потӥ марке мында кужым басьтыса.
Тазьы но умойгес мон гожтысал дыр, отчы пырысал ке, со спектаклез адӟысал ке. Но сыӵе шуд ӧз усьсы туннэ марлы ке. Но мон театр, Паша Поздеев, Лёша Шкляев вылэ вож потэмын ӧвӧл, малы ке шуоно "ФИГ МОН АРНЯ НУНАЛЭ ТАӴЕ ВАЗЬ СУЛТЫСАЛ НО, АСЛЭСЬТЫМ УЖЪЁСМЕ ЛЭСЬТЫСАЛ." Соин туннэ вазь султӥ но мон трос ужме лэсьтӥ. Тау Театр, но таиз берпуметӥез мед луысал тӥляд оплошностьты.
Лыктэлэ эшъёс "Пужъятэм дэрем" возьматонэз учкыны. Туж тунсыко луоз, оскисько.


«Куркуям» огин со мар сыӵе? Кивалтӥсьёслэсь ивортэм.


Котькуд пинал ас улоназ оло мар но дауртын турттэ. Кудӥзлэн луэ со, кудӥзлэн уг. Котькуд дыръя сыӵе пиналъёс пото, кудъёсызлэн туж трос оло мар но пӧрме, «Шундыкар» шутэтсконниысь. Отын кыӵе ке энергия-а мар-а вань кутсконлы потэ. Валан сётэмын ӧвӧл ай учёнойёсын. Туж трос пиналъёс потэмын отысь, кудъёсыз али удмурт обществоын асьсэ интызэс басьто.
Озьыен та кивалтӥсьёс но потэмын «Шундыкар»-ысь. Отысен соослэн кутскемын вань та сюрессы. Соос кылдытӥллям таӵе огин, кудӥз нимаське «Куркуям». Но монэ интерес басьтӥз таос сярысь тросгес тодыны, оло тӥляд но потэ дыр вал тодэмды.



Тань огинды тӥляд вань КонтактЫн. нимаське "Куркуям". Марлы тӥ озьы ним сётӥды?


Алёна Орлова

"Куркуям" - со кулэтэмзэ куян шуыса валэктыны луоз. "Шундыкарысь" журналистика отрядысь пиналъёслы таче тунсыко малпан йыразы лыктиз: "ойдолэ "Куркуям" газет поттом, кудаз шундыкарчиослэн лагерьын улэмзы сярысь серемес но тумошо гожтом, тае лыдзыса мылкыдзы мед жутиськоз шуыса". Та ужмес ми али но нуиськом, тунсыко, серемес, со дыре ик кулэ луись иворъёс гожъяськомы "Куркуям" нимо группае. Чаклады ке, та нимын горд букваос эшшо одиг кыл кылдыто - Куку.


Марина Романова

Берыктыны ке Ӟуч кылэ, со луоз, «Место выброса и сжигания», ну или «мусорка». Сыӵе малпанмы пормиз ку ми шундыкарын журналистика отрядын ужамы. Азьлогес со вал "Неофициальный проект желтой прессы", гожъяським отчы Ӟуч но удмурт кылын. Ачид валаськод, мар со сыӵе ӵуж пресса, соин ик гожъямы кыӵе ке тумошо, тунсыко югдуръёс сярысь именно шундыкар улонысь. Нош али ми потӥмы контактэ, группаез кылдитимы, но, вераны кулэ, милям тематикамы кӧня ке воштӥськиз. «Куркуям» нимез озьы ик кельтӥмы.


Паша Вахрушев

Тодиськод мар, мон тыныд али интервью сето, кызьы шуо "с точки зрения бывшего руководителя"

Ваньмы ик ми Журналистика отрядын шутэтским, визьнод басьтим.

Шундыкарын со ним малпамын вал. Куркуям - вань валэктонъёссэ огазеяса ми зуч "мусорка" кыл доры вуим. Яраз милем,  уго нырысь - валысь со ӵуж пресса шуыса лэсьтиськиз.


Озьыен тӥ "Шундыкар" сярысь кутскиды вал. Туж умой.  Но вот лыдӟи лыдӟи вал но, но ӧйгес вала главной тӥлесьтыд темадэс. Мар тӥ али гожъяськоды шуыса? Мар сярысь?


Марина Романова

КУРКУЯМ - информационный вестник удмуртской общественности.ог кылын вераса, гожъяськиськом кыче ке югдуръес сярысь, кудъесыз уже не касаются шундыкар улонэлэсь.но!!трос заметкаос гожъямын шундыкарыь нылпиосыз сярысь.кылсярысь, мар происходит луылэ соосын али, соослэсь учыръес, контактысь тыршиськом соосын вераськыны но юаськыны..- выль ивор потэ.озьыгес.


Озьы ик "ШуоШоу" ИА - ысь мон алигес лыдӟи вал марке Паша Вахрушевдэс шуг-секытэ вуттӥзы. РШИ газет сярысь. мар веран быгатӥськод та сярысь? Мар отын сыӵе луиз?



Алёна Орлова

мон уг но тодиськы кыче со газет.... Именно Паша Вахрушевез шуг-секытэ вуттизы шуыса мынам кылэм ӧвӧл.  Али кыӵе учыр мон уг тодӥськы)))


Марина Романова

Комментировать уг кариськы нокызьы но . Мон малпамъя, Паша-умой журналист, зэмос удмурт активист но со быгатоз удмурт кылэз утьыны.


Паша Вахрушев

Санко, курисько тонэ вождэ эн вай, но та пумысь но номыр но мон вераны уг быгатӥськы. верало созэ гинэ, вожзэс поттыны кутскизы со понна, со газетэз удмуртаны кутскеме бере. Но таяз номерын, кудӥз нуналысь - нуналэ потоз, удмурт бам луоз ик. Отын одӥг гинэ мынам уже "Шундыкар" сярысь луоз.


Нош кытӥсь тӥ иворъёс поттӥськоды? Кытысь соосты шедьтӥськоды? Кытысь басьтӥськоды?


Алёна Орлова

Иворъёс портэм удысъёсысь басьтиськомы. Со яке "Шундыкарын" улэммы сярысь, яке кыче ке шундыкарчи сярысь луыны быгатэ.Яке кинэ ке зечкыласьком, матэктись ужрадъёс сярысь ивортиськом. Тазьы но луэ: кыче ке тумошо тунспуктэмез но "чеберъяса, солань-талань берыкъяса" лыдзисьёсмылэсь мынектэмзэс поттыны тыршиськом.


Марина Романова

Мон уг тодӥськы кызьы мукет куркуям ужасьёс шдьто иворъёсты, ну..соослы, мон малпамъя, капчигес. малы ке шуоно соос удмурт элькунын уло, Нош мон меӵак кыӵе ке адямиен контакт пыр потӥсько ( напрямую выхожу с человеком в контакте), Юасько, вераськисько соосын но ивор потэ.


Паша Вахрушев

Иворъёс...Нош кызьы пото иворъёс!? Соосты кин ке малпаса ачиз уг пукы ук, просто ми со иворъёсты, мар ке сярысь ивортонэз асьме сяммыя гожтиськом вал.



Нош тань Павел кошкиз оло улязы сое? мар луиз?


Алёна Орлова

Сое оз уллялэ. со - милям яратоно но гажано редакторъёсмы полысь одигез. нош кошкемезлэсь мугзэ вераны уг быгатиськы. ми сое туж яратиськом но гажаськом.


Паша Вахрушев

Вождэ эн потты, но та юанэдлы мон али валэктон сётыны уг быгатиськы... обстоятельствоос озьы луизы, мыным отысь кошконо луиз шуыса



Нош вообще-то марлы тӥ со огиндэс кутскиды? Кинлэн со нырысетӥ малпанэз?


Алёна Орлова

марлы ми та уж борды кутским мон верай ни вал)))     

нош нырысети малпанэз Сергей Морозов бордысь лыктиз. Чапак со та уж борды кутскыны чектиз. ми соин та малпанэныз соглаш луим. угось, ми, журналистик@рысь пиналъёс, таче удысын асьмелэсь ужмес азьланьтим, соин чош асьмемыз но вань калыкез шумпоттиз, мылкыдзэс эшшо но капчи карыны тыршим.


Паша Вахрушев

Ӟуч пияшлэн, Серги Морозовлэн, солэн малпанэз вал. Тунсыко солы сыӵе уж солы потӥз, бӧрысь ми но кыстиським. Мон «Шундыкар» лагерь бере гинэ, кылсярысь, отын ужаны кутски.


Мар эшшо верасалыд нокыӵе юантэк? На свободную тему, мар верамды эшшо потэ на?


Алёна Орлова

Веранме йылпумъяса, тазьы верасал на: та уж милемлы будыны юрттэ, эшъесынымы кусыпъёсмес эшшо но зол юнматэ, огазе каре. Эшшо та группаын ми портэм малпанъёсмес вераны быгатиськом, "Шундыкарын" шулдыр улэммес тодамы вайиськом. Мон туж шумпотисько, та ужмы али но азьланьтиське шуыса, угось та уж огъясь, шумпоттись, та уж - азьлане бадзым вамыш.


Марина Романова

Тау верамме потэ "Шундыкар "лагерьлэн организаторъеслы, вожатойеслы, онерчиослы. Соостэк Куркуяммы но ой луысал, сыче дэмен ужмы но оз пормысал. Куркуям дышетиз милемыз ваньзэ котырын адзыны, сотэк кызьы чуж пресса луоз?

Вераны ке ас сярысь, кыче пайда мыным сетӥз куркуям-со , паймымон овол, удмурт кылэз дышетон, со- бадзым луонлык аслэсьтым малпанъесме мадьыны но может, кытын ке, туала ужпумъес валаны.


Туж тунсыкоесь пинал адямиос, туж сыӵе мылкыдо ваньзы.


Алёналэн вань сыӵе туж пинал задор, сыӵе котькытчы пыриськон амалэз. Ваньзэ ас бордаз кыске сямен. Пинал адямилы со туж умой.

 







































Мариналэн вань коть мар пыртӥ потыны, но тодыны, шедьтыны ивор огинзылы. Туж тунсыкъяське Удмурт культураен, удмурт литератураен.




Нош Паша со сыӵе дипломат шуом. Туж сыӵе спокойной адями, рассудительной пияш. Туж культурно воспитанной. Ваньзэ спокойно, тунсыко вералоз радызъя. Адиське адями, пияш удмурт калык, удмурт кыл понна висе шуыса.


 



















Та пиналъёс ог-огзылэсь туж кыдёкын ке но уло, шуом ини озьы, но соос котьку но ӵош. Одӥг уж каро. Малпасько вань шуг-секытэз ортчозы соос, но азьланяз ваньмыз туж пайдаё ужзы кошкоз.

суббота, 1 октября 2011 г.

КВН удмурт сямен, оло мукет марке...



Удмурт КВН – со марке выль амал удмурт калык пӧлын. Удмурт Элькунын удмуртъёс отын быгатозы асьсэзыс возьматыны. Но КВН сярысь умойгес тодыны мон басьтӥ интервью Evgenyi mr.UDMAN Konkov та йӧно удмурт воргоронлэсь, та проектлэн малпасез но кылдытӥсез, улонэ выжитӥсез.



Мар пумысен тынад йырад кылдӥз сыӵе малпан удмурт кылын квн огинъёс кылдытыны? 

Со малпан йырам кема улэ ини.Ачим туж яратисько школа тырысь КВНэ пырыськыны


Кин отчы быгатэ пыриськын?

Кинлэн вань быгатонлыкез соос ик пыриськозы


Кыӵе тон адӟиськод луыны кулэ квн огинлы?

КВН огинлык кулэ зэмос удмурт пуштресо. Асьмэ удмурт калыкмы быгатонлыко но тунсыко ини вашкала тырись.Быгатонзэ возьматыны тросэз кэпыр пото. Нош туэ пинал но егит калык з:учьёслэсь адз:ем карыса леся шаянгес луэмын. Малы о бен з:еч удысын ке пыралод шуо соос. Мон малпамья,кинлыке матын З:еч уж радьяны,солы кышканэз но,кэпыранэз но о:во:л.

Кытын репетировать но кытын сцена вылэ потаны турттӥськод?

Сыӵе луонлык луиз ке, одно ик сюроз ваньмыз мар кулэ. Кызьы шуо: «Удмурт адямилы, калыклы аслыз кулэ ке, со туж шаплы луэ. Котькытчы но пыриське,
 

Марлы со кулэ малпаськод удмурт калыклы?

Кызьы верай вал ини,удмурт калык ассэ кэпыр возе,куке мукет калыкьёс (бигеръёс зучьёс) кыл сярысь ожытгез ке но быгатонлыкзы, асьсэзыз быгато вылэ ж:утыны. со понна соос шедьто портэм амалъёс. Асьме калык но мед быгатоз вал ассэ озьы ик ж:утыны.
Нош КВН-ын вань сыче луонлыкез удмурт адямилэн но. Шонерзэ вераса удмуртъёсты трос аръёс ч:оже ултиязы,соос али ке но возьдасько асьсэ кылын з:уч но мукет калык азьын вераськыны. Нош маин асьмеос по:ртэм? Удмурт калык кепырась ке но, солэн туж лякыт сямыз, зарни сюлэмыз, озьы ик котькыӵе удысын но пыр-поч ужаны яратэ. Нош куно пумитаны но утялтыны но кырз:аса-вераса шулдыртыны удмурт калыклэн виразы ик пыч:амын. Кызьы бен уд  данья таӵе калыкез? Таӵе малпанэн улисьёс валче кариськизы ке, одно ик тырмоз кужым но, мылкыд но. Соин ик али вазиськисько кин яратэ аслэсьтыз шаерзэ, калыкзэ, традицияоссэ огазеяське прыриське КВН-э.

Кужмыд тырмоз-а, оло кинэн ке та ужез лэсьтын турттӥськод-а? вань ини а кинке кин юрттэт сётыны турттэ? 

Мон малпанъя юрттэт сётисьёс зэмос удмурт калык луоз. Курисезлы сёто шуо Ӟучьёс. Кулэ луоз пӧртэм организациёсты ортчытны со юрттэт сярысь вазиськонэн. Та удысэ кутсконым адями умоен вазиське, но та вакытэ чаклаське, али маро пормоза меда шуэ.

Нош кызьы талы калык али относиться кариське?

Ку ке мон та темаез ӝути, тросэз  верало вал:. «О! молодечик! со туж важной тема! со кулэ милемлы.».
Кызьы дыр вуиз юртэт курыны, тае калыке поттыны, но сое «раскрутить», трос кин вераз - Эн но малпа шуыса. Кин вокщё бодызэ питранам донгыны ӧдья вал. Иньмар соослы судья. Одӥг гинэ Алексей Шкляев юртыны ортчиськиз, солы бадӞым тау)) молодчик пияш,  ваньзэ вудтэ! Со бере тодмаським Санко Батырэн. Пияш хоть и пинал но, бадӞым талантэз вань но, мылкыдэз вань, а мылкыд со туж зол сётэ азьлань сюреслы мынонлы донгон, юрттэт, вань шуг-секытъёсты капчиен ортчыны, ваньмызлы солы юрттэ мылкыд.

Ваньмыз пӧрмоз, сцена но сюроз, калык но вуоз. Мед гинэ мылкыд но тазалык луоз милям!

Оскисько та пияш аслэсьтыз вань малпанъёссэ лэсьтоз, быдэстоз, улонэ выжытоз. Но котькин но, малпасько, пыриськоз отчы. Ачим но одно ик кыӵе кулэ луоз юрттэт мынэсьтым, сёто. Ӵош кариськыса та ужез быдэстомы. Али калык калленэн кыстӥське ини татчы пыриськыны. Азьланяз одно трос малпаськом кузя ми луомы. 
Азьланяз ваньзэ адӟом марлы пӧрмоз та ужмы. Оло марке вылез но луоз, "Камеди Клаб" удмурт оло потоз. Улом-адӟом. 
Кинлэн пыриськемез потэ http://vkontakte.ru/club30480614 пырелэ та огинэ, но асьтэлэсь кельтэ кызьы тӥледын можно герӟаськыны телефон номердэс.