Фэшн уй позыръяськонни – юонни

Ижкарамы туж трос уй позыръяськонниосмы. Одӥгез пӧртэм мукетызлэсь. Котькудӥз позыръяськонни лэсьтэмын калыклэсь мылкыдзэ лыдэ поныса, уж бере жадемзэс веськатыны мед быгатозы шуыса. Коткудиз ачиз сяменыз тунсыко. Нош кыксэ соос полысь нимаз висъяны луоз, малы ке шуоно, отын ортчытъяло Удмурт уй эктонниос. Одӥгез соос пӧлысь Фэшн уй позыръяськонни. Но та сярысь маиз кельшиз, маиз ӧз та веранам.


Та уй эктонние мон пыри дунтэк, малы ке шуоно, коньдонэн ваньзы быгато пырыны, нош дунтэк - быгатыны кулэ. Пукси небыт пуконниязы. Кема ӧй возьма, эшъёс вуыны кутскизы. Озьыен позыръяськын, эктыны кутскимы.

Мон та Фэшн уй позыръяськонниез Авиаторен ӵошато. Нырысь ик позыръяськоннилэн пушкыз сярысь, кыӵе со. Туж умой трос пукон интыосыз шуыса . Юонни лэсьтылонзы марке быдза, со кудог юлтошъесмес туж шумпоттэ. Вань куинь туж умой возьматоннизы, кудаз тунсыко суредъёс мынӥзы. Кырзасьеслы, кудъесыз татын чемысь кырзало, нимаз бадзым интыяськонни лэсьтемын. Нимаз вераны луоз сиён - юон нулдӥсь нылашъес сярысь. Котьку дыраз вутто, туж умой ужало. Со сяна синмез шумпотто, угось туж мусоесь соос))))


Умоен артэ аламаез но вань. Угось сотэк уг луы. Калык трос ик ӧй вал. Ма трос адямилы интыез но уз тырмы. Эктонни туж пичи, позыръяськыны яратись калык сярысь та эктоннилэн кузеез малпаськемын ик овол, угось тросгес коньдон поттэ юонэн вуз карыса. Соин ик пуконнилы туж бадзым инты висъямын. Та уй позыръяськонни юромо юыны яратись калык понна лэсьтэмын шуыса малпаны луоз.


 Маиз умой вал, юалоды? Та жыт, котьма ке но, туж шулдыр вал, угось эктонние люкаськемын вал удмурт нылашъес но пияшъес. Нош удмурт калык, асьтэос тодиськоды, шулдыръяськыны туж умой быгатэ. Мон аслым выль эшъёс шедьтӥ. Нош выль эшъёс со туж умой.


Но тужгес но умоез таиз:
Пукисько фэшнын, небыт пуконниын.
Учкисько котыр, нокин ӧвӧл котырын.
Учкисько азям, туж чебер нылаш пуке
Синъёс питыр луизы, адзыса сое.
Мусо синъёсыз, сьӧдалэс йырсиосыз
Сюлэмме сос басьтӥзы)))
Та кылбур чуръёсын валалоды дыр ваньзэ)))


Нош табере кин но мар дауртӥз кырзан интыяськонниын, кин потаз кырзаны.
«Ингур» ньылтрак кырзасьёс туж тунсыко кырзазы асьсэлэсь кырзанъёссэз.
Sergey Grigo: «Акапельно марке аламагес кылӥськиз. Куараез лябгес, ожыт будэтыны кулэ на вал. Озьы ке но, туж шулдыр пормиз.» 


Богдан Анфиногенов кырзан интые туж тунсыко потӥз, зэмос рэп кырзась кадь ик. Мон малпай, со рэп кырзалоз шуыса, эшшо ке кырзанзэ мытыны кема курадзиз. Тунсыкоез вал со удмурт дисен, удмурт кырзанэн потиз шуыса.

 Юля Волкова эшшо кырзаз. Туж чебер кырза, но куараез лябгес кадь потиз. Оло куара пыртонэз каллен каремын вал, малы ке шуоно, кырзанэзлэн ӝыныозяз вуэмез бере куараез умой кылӥськын кутскиз.


Озьы ик тунсыко вал Пичи Пурга ёросысь Пугачёво интыяськонниысь«Эшъёс-юлтошъёс» рэп огин. Кырзанъёссы шулдыресь, нош кылъессы валантэмгес вал. Оло куараен вырисьсы алама ужа - а? Кин тодэ, но тунсыко-тунсыко пияшъёс васькытӥзы)))


Полина Кубиста ачиз вурем дисьёссэ возьматӥз. Та адзытон мыным тужгес но кельшиз, угось котькудиз дись ачиз сямен аспӧртэмлыко, чебер, нош пинал нылашьес вылын соос эшшо но кильтроесь адско.
 
























Андрей Кабышев капчи мылкыдо пияш кадь потиз. Шаплы выре, умой кырза.

Дима Загребин сярысь веран ик кулэ ӧвӧл. Шулдыртэ, умой кырза. Валаса ой вутты, ачиз ик-а кырза, яке фанера лэзе-а. Таиз сярысь мынам кык суред кылдӥз.

Удмурт ФМ котьку тунсыко нуо сётэм дырзэс. Туж шумпоттӥзы. Зечокъёс Вова но Надя)))

Но куке Мишик Павлов кутскиз... Шӧдӥське, пияш быгатэ калыкез шумпоттыны. Туж умой кырзанъёс пӧрмизы. Ачиз но шумпотыса лэзья вал кырзанъёссэ. 

 Но котьку но котькытын но йылпумъяськон луэ. Мынам со кык часын луиз. Собере ӝыны час возьман кулэ луиз корт валэз. Пияш, кудиз корт валэн вуиз, туж вераськись вылэм. Быдэс сюрессэ вераськыса мынӥм. Sergey Grigoен ӵош берттыны тупамы.




Жадемме туж тунсыко веськатӥ. Нош эшшо но тунсыкоез - чукнаяз дышеськыны мынонэз. Та жыт бере висьыны одъяй ке но, мылкыды умой, угось туж умой шулдыръяськи!