суббота, 28 мая 2011 г.

ЕГЭ (Единый Государственный Экзамен)



Дас одиг класс быдтон калэ вуэмын. Мыным но шуг-секыт экзамен кулэ луиз ортчыны. Быдэс арзэ мон солы дасяськи, соин ке но кылемын вал на кыче ке юанъёс, кыче ке валантэм темаос. Но озьыен вуиз нырысети ЕГЭ нунал.
    Кызь сизьымети куартолэзь. Биология. ЕГЭ. Мон дышетскон юртам озьыен усьти нырысети: ЕГЭ гожтон амалэз.  Ортче вал вань экзаменъёс милям Можга черко гуртын. Вуи отчы. Калыкез тодмо куд-огез отын вал.
     Милемыз классъёсъя люкилизы, кин кытын пукоз. Но собере пыртизы. Пырыкумы милесьтым документъёсмес чакланы кутскизы, шонерзэ. Но собере нуизы организаторъёс классъёсъя.
     Осызь адзи аслэсьтым ним тулме но кытын пукемме. Нырысети парта, кыкети инты мынам вал. Ну мар карод на , оз искалты ке оз искалты ини.  Пукси с интыям но дырез возьмаса, кутсконзэ пуки. Туалетэ марке шуак потиз вал. Поти. Учкисько но отын организатор сылэ, кудиз милемыз учкылэ вал медам номырин но «пользоваться» кариське шуыса. Потыны гинэ кутски но, учкисько со сьорам мынэ. Пайми ачим но, ноку ой оскысал мукетъёсызлэсь верамзэс, ачим ке ой адзысал. Воксё капчиятиськонозь ик ведь келяз со монэ. Мон отчы но пыроз ини кожай вал но, но озгес коня ке. Собере берен мон классам пыри .
Сётказы милемлы бадзымесь конвертъёс, кудаз вал кагазъёс ЕГЭ-ен. Сое усьтын косизы дас часын чукна. Дыр вуиз но ваньмы резь потса усьтылим конвертъёсмес. Поттам вань мар отын но, возьматизы собере кызьы сое кулэ заполнять карыны. Ки дырекъя туж зол, пуштирлык воксё куалектэмын, сюлэм интыяз овол, оло кытын йыггетэ, ой туж зол, операция дыръякум сомында ой вал. Будись «Санко-Батыр» шор куке гинэ вал туж спокойной.
Я, кутски гожъяны со ЕГЭ шуонзэс. Туж тунсыко заданиос вылэм. Ваньзэ, нырысь, гожъяй черновике, нош собере чылкыт кагазэ. Маиз алама вал? Дыр мыным оз тырмы. Сюлэмы потыса гожъяй мон со черновикысь гожъямъёсме. Но вуттиськи озьы но тазьы.
    Озьыен ортчиз нырысети ЕГЭ гожтон амал.

Комментариев нет:

Отправить комментарий