«Пепелац» уй позыръяськонни. Губипати)))))))))

Трос Ижкарын уй позыръяськонниос, но таӵезэ ӧй адӞылы вал ай. Та уй позыръяськонни, кудаз монэ нош ик лэзизы.  (Вазьгес вуи дыр соин озьы луиз).


Мар кельшиз та уй позыръяськонниын.


Туж умой лэсьтэм эктонни интыез, малы ке шуоно со туж бадӟым фэшнэн ӵошатыса ке. Калыкез марке мында туйнаськыны быгатэ. Котькинлы инты луоз, тырмоз, сюроз. Озьыен калыкез трос вал, тросэз соос пӧлысь удмуртъёс вал. Мариз одно ик шумпоттэ.
Туж чебер но трос, лазер пӧрма, тыл поттӥсь арбериос, кудъёсыз быдэс уйзэ шумпоттӥзы шудэменызы, оло кытчы но вуэменызы.

Туж усто лэсьтэмын пукон интыос. БадӞымесь, чебересь, небытэсь  диванъёс ӝокъсын одӥг палаз, нош мукет палаз сыӵе ик бадӞымесь диванъёс, кудъёссэ ваче кариллям но, соос озьы ик юртто калыклы эктон бере шутэтскыны кӧня ке, яке эшъёсын вераськыны.

Озьы ик туж умой юонни, сионни интызы, малы ке шуоно со туж бадӞым, но туж умой лэсьтэмын калыклы басьяськын. Но вань аламаез. Ӧжыт отын пушказ юон кисьтасьёссы но сиён лэсьтӥсьёссы. Калык марке мында люкаське, нош соослэн одӥг палаз (Барзы отын квадратной, быдэс залэн котыртэ) одӥг юонни кисьтасьсы. Уггес вутты куд-ог дыръя кисьтасьсы.

Эшшо тужгес но умоез со вал нуисьёс. «ПороЗ МафиЯ» возьматӥз аслэсьтыз быгатэмлыксэс. 

Озьыен так юнме соос кельтӥсе поттилямтэ, туж усто быгато пияшъёс асьсэзэс возьыны сцена вылын. Трос шудонъёс малпаллям,  тужгес но тунсыкоез соос пӧлысь вал губи нимъёсын шудон, кудаз т рос калык шумпотса пыриськиз. Оло кыӵе но губи нимъёс кылиськизы соку. Но ваньзы пӧлысь берпуметӥ губи нимез вераз нылаш, нимзэ кудӥзлэсь мон уг ни тодӥськы, но кудӥз кошкиз губи пӧрма кузьымен.
Соос пӧлын эшшо вал на диджейзы - инженерзы

   

Озьы ик эшшо Дима «Кубаысь Мафияен тодматскем адями» Софронов дышетӥз на ваньзэсьты Куба улосысь эктонлы, кудзэ ваньзы эктӥзы шумпотыса ик.

Алигес потэм огин «КПП +» но вал та уй позыръяськонниын. Туж шулдыр кырӞанъёссэз кырӞазы соос. Арганэн но шулдыртӥзы, куке удмурт эктон гуръёсты шудыны кутскиз арганчизы.

 



















Контактын али «Мылкыд-йӧлпыд» потэм бамез понна, кивалтӥсезлы, Луша Шиховалы, сётӥзы туж усто арбери «Wi-fi роутер», кудзэ кузьмаз «Марк ИТТ» огазьяськон.

 




























Туж умой асьсэлэсь быгатонлыксэз возьматӥзы Электроники DJ пияшъёс. Туж умой кылӥськизы соослэн кырӞанъёссы. Ма сыӵе куара поттон арбериосын котькинлэн но усто дыр пӧрмысал. Туж умой аккустиказы «Пепелац» - ын, котькытчы но куара вуэ вал, котькытын но усто кылӥське вал кырӞанъёслэн колонкаосысь кыре потэмзы.

Татын пумиським вал но Женя Бикузинэн, кудӥныз пуким менюзэс учкыса. Ну дунъёс туж устоесь озьы. Но мыл потэ ке сойзэ но тайзэ но басьтод, нокытчы уд пыры. Озьы ик «Пепелац» кыл кызьы пӧрмиз шуыса малпаським на. Кылдэмын со Пепел-пень, нош ац – со «Активный центр» дыр луэ. Озьыен кылдэм таӵе ним «Пепелац». Но озьы-а, ӧвӧл-а уг тодӥськы.

Но туж алама вал соиз, что отын умой ик ӧвӧл чын быдтон арберизы. Туж алама чильым
ӵынэз зынъяса пукон. Куд-огезлэн тань синмаз но пыре, но шумпотӥсез но вань...

Но та «Пепелац» уй позыръяськонни мынам сюлэмам умоен кылиз.  Быгато татын калыклэсь  жадемзэ веськатыны)))