INwoo - выль удмурт дӥсь

Туала Удмурт Элькунамы трос дано адямиос. Котькудӥзлэн аслаз ужез вань, котькудизлэн аслаз сюресэз. Кин ке быръе кырӟан гожъян, кырӟан, кин ке быръе кылбур гожъян, кин ке быръе выль дӥсь поттон лэсьтон амалъёсты. Берпуметӥез сярысь тужгес но гожтэмэ потӥз.

Со туж егит пияш, солы туэ 20 арес тырмиз. Со улэ Кезын, но уг вунэты Ижкар сярысь но. Тужгес трос ужез лэсьтэмын футболкаос вылын. Со аслаз профессиезъя дышетӥсь, йыраз туж трос малпанъёс, выль суредъёс котькуд нал кылдо. Та пияшлы синмаськемын ини трос нылъёс, со асьме, чылкак удмурт, пияш. Ваньды сое тодмады, со стилист Никита Ильин, кудӥз нуэ аслэсьтыз тунсыко ужзэ, кудӥз дизайн амалэн лэсьтӥське. Но ваньмыз радызъя.

Алигес йырам выль малпан кылди:з. Удмурт культураен вырисьёслэсь контакт пыр интервью басьтылон амал. Озьы мон нырысетӥ интервью басьтӥ Никиталэсь.

Санко-Батыр - "нырысь ик котькудизлэн потэ, дыр, тодэмез кытысь тон сыӵе потэм пияш? Ма бордысен кутскиз тынад нырысь мынон сюресэд?"

Никита - "Вордӥськи но улӥсько мон Кезын. дышетски отын ик 1-тӥ номеръя дышетскон юртын гуманитарной классын. нырысетӥ классэ мынӥ 1998-тӥ арын, йылпумъяй 2009-тӥ арын. Собере пыри ГОУ ВПО Удмурт Кун Вылӥ дышетсконние. Дышетскисько Журналист Факультетын. Нокин уг но тод, дыр, мон куке но поталляй вал ини шуыса сцена вылэ кырӟанэн. Со вал нырысетӥ вамыш мынам сюресам, кудзэ мон лэсьтӥ "Егит куара" ӵошатсконын, кудиз радъямын вал "Мынам Удмуртия" телеканалэн, но кудаз мон потӥ вал финалаз но ой быгаты вормыны. Но мынам со ӵошатсконлэсь кылиз аслам малпам кырӟанэлэн клипез, но аслам дизайнэным лэсьтэм дӥсе, маизлы мон шумпотӥсько"



Санко-Батыр - "Мон кылылӥ но, адзьылӥ но тынысьтыд алигес потэм ужраддэ, кудӥз нимаське INwoo огазьяськон. Мар со означать каре? кызьы сое валаны кулэ?"

Никита - "Озьы, вань мынам сыӵе выль ужрадэ, куди:злы туэ одӥг ар тырмиз. INwoo - со инву, кудъёсыз ки вылэ усем бере пӧрмо туж чебересь, паймымон инӟылы. INwoo - со выль омыр туала ди:ськут поттон амалын. Но вань мукет талэн веранэз на. Нырысь бадӟым букваосыз солэн верало I - Ильин, N - Никита. Туала улонын Удмурт дӥсез тузӥ нулдын луиз ини. Олокыӵе но дӥсьёс, ваньмыз киын лэсьтэм уж. Котькуд адямилэн вань луонлыкез бырйыны но лэсьтыны аслыз кельшись дӥсь. Ар талэзь азьло нокин уг оскы вал та мынам ужрадэ таӵе вылӥе ӝутӥськоз шуыса. Но ортчизы толэзьёс, INwoo шедьтӥз аслэсьтыз басьтӥсьсэ, но ассэ возьматӥз умойен. Милемыз ШуоШоу уг яраты, малы ке шуоно ми зол ум паймытӥське. Ми ужаськом калык понна гинэ. Ар куспын поттэмын вал "Шунды" огазьяськонлы футболкаос, озьы ик Дебёс черко гуртысь "Меркурий" нимо кафелы, "Авиатор" уй клубысь барменъёслы (16 куарусёнэ 2010 арын). Но озьы ик туж трос адями Удмурт Элькунамы но, Мускоын но, мукет кунмылэн каръёсаз. Трос асьме артистъёсмылэн но асьсэлэн диськут пӧлазы вань INwoo - лэсь дисьёссы"

Санко-Батыр - "Нош кытын ке диськутъёстэс поттӥськоды-а калык пӧлы, возьматӥськоды-а калыкын?"

Никита - "Озьы, котькуд шулдыръяськонын турттӥськом возьматыны асьмелэсь выль дӥсьёсмес. Ар куспын трос возьматонниос орчытъямы. Со вал: "Горд" фестивальын, Филармониын, "Авиатор" уй клубын, "Qwerty" клубын, Элькунмылэн гырон быдтон шулдыръяськоназ, кудӥз нимаське "Гербер", "Открытый Город" фестивальын, кудӥз ортчиз Киров паркын, Дебёс черкогуртысь "Меркурий" клубын но мукет интыосын. Али милям "модельмы", шуом озьы, со Ирина Зангарик - тужгес но тодмо удмурт культураямы нылаш."

Санко-Батыр - "Нош луоз-а выль дисьёс вуоно сӥзьыллы, толалтэлы? Вань-а малпанъёсыд ини?"

Никита - "Вань, соиз одно ик вань. Выль сезон тань устӥськом "Сӥзьыл-тол" кудаз INwoo чылкак воштӥськоз. Дасясько выль дӥсьёс. Пиослы выль амало футболкаос. Но!!! нырысетӥ ползэ потоз нылъёслы дасям дӥсь. Выль дӥсьёсты возьматом ини вуоно куартолэзе. Нош али INwoo утча выль нылашъёсты но пияшъёсты, кудъёсызлэн потэ та выль дӥсьёсын фотосессияе пыриськемзы но сцена вылын асьсэды возьматыны. Нош али вань дӥсьёсы 280 манет тыр гинэ вузасько. Сое шедьтын, бырйыны быгатоды http://vk.com/club18879467 та контакт группае пырыса."

Санко-Батыр - "Нош кин тоныд та ужадын котьку но юрттэд но поддержка сётэ?"

Никита - "INwoo поддерживать каре Павел Поздеев, Юлия Никитина (УМОО "Шунды"), Ирина Зангарик, Надя Николаева (Udmurt FM)."

Санко-Батыр - "Нош тани мон кылылӥ тон школаын ужаськод на шуыса. Кин луыса тон отын дышетӥськод?"

Никита - "Озьы, дӥсь лэсьтон но кырӟам сяна, дышетӥсько мон Кезысь пиналъёсты, одигетӥ номеръя дышетон юртын. Мон отын ужасько эшшо мукетсэ ватсась дышетӥсь луыса (педагог дополнительного образования). Дышетӥсько пиналъёсты журналистика но видеоискусство амалъёслы"

Мынам аслам ӧвӧл на INwoo - лэсь дӥсе, но луоз ай, мон малпасько.