Кузебай Герд.
Ми кизиськом.
Ми гыриськом, кизиськом!
Араны егит муртъёс лыктозы,
Шумпотыса бусыосы лыктозы…
Ми гыриськом, кизиськом!
Кизем кылбуръёсмы,
Борддор кадь, сюрес дуре жутскозы…
Някыръяськозы, весь чашетозы
Кизем кылбуръёсмы.
Ми гыриськом, кизиськом!
Араны егит муртъёс лыктозы.
Уз лёгалэ, аралозы,
Луд тыр чумолё пуктозы…
Соин ик
Ми гыриськом, кизиськом!
а нош эшшо кыче ке кылбур кулэ ке, одно ик вералэ мыным.
Комментариев нет:
Отправить комментарий