Кызьы ортчиз «Вамыш»

Мон , Токарев Александр, Быдӟымсурд гуртысь дас одӥгетӥ классын дышетскись. Мон пыриськисько Можгалан «Шунды» огазьяськонэ. Алигес ортчиз «Вамыш» “шутетсконни” Дзержинец интыяськонын. Таӵе пиналъёслы бичаськонэз лэсьтӥз удмурт егитъёслэн мерлыко  «Шунды»  огазьяськон. Та «Вамыш» “шутетсконни” кема уг ул ай. Солы таяз арын вить ар гинэ тырмиз, но со вить ар куспын та лагерь ассэ умой ӵектонэн(проектэн) возьматэ ини, малы ке шуоно татын кенешиськом ми кыӵе дугдылонъёс, кыӵе нюкъёс, шуг-секытъёс (проблемаос) милям сюресамы пумиськыло. Мон та “шутэтсконние” туж кемалась пырем потэ вал ини, но вал одӥг сыӵе алама но уг шу, умой но уг шу люкетон – мон пинал ай дас куать арес гинэ. Соин мон таяз арын но кема пырыны турттӥ, но вань мынам со турттэме так юнме ӧз луы. Трос “нерваос” аслэсьтым но мукетъёсызлэсь но мон быдтӥ, малы ке шуоно мон уг тодкы вал мар сярысь гожтыны заявкаам. Трос калыклэсь юай, но вот мон вуи со «Вамыш» бичаськонэ. Марлы тон отчы мыныны турттӥд, сомында со понна тыршид таӵе юанды колдӥз дыр кожасько. Озьы, кужым трос быдтэмын отчы пырон понна, но мон ноку но палэнэ уг кошкиськы, но котьку быдтын турттӥсько (добиться) кыӵе мон аслым ужпум (цель) пуктӥ. Соин мон ноку ӧй кушты та ужме «Вамыше» пыронме, мынонме. Мынам та бичаськонние ноку ой на вал на ветлэме, соин мынам тодэм потэ вал мар со сыӵе «Вамыш», мар карыны отын луэ. Мон та сярысь мар отын каро трос кылэм ӧй вал, но кӧня ке мыным валэктон эшъёсы сётизы. Озьы со верамъёсын мон кӧня ке дасяськи татчы вуон азьын. Но шонерзэ вераса мон всё-таки мынко вал валатэк, но монэ ноку таӵе валамтэмъёс ӧз дугдытылэ, малы ке шуоно мон оло кытчы но чуркнаськисько, коть кызьы но быгато аслым мар кулэ тодыны. Мон малпасько вань пиналъёс татчы вуизы ужаны кин ветлӥз вал ини, нош кин ӧз ветлы на, мон кадьёс, лыктӥзы вал нырысь серекъяны, эктыны, шулдыръяськыны гинэ но собере валазы дыр татын туж серьёзно шуыса, особенно политикаын. Мыным «Вамыше» вуэм бере, мыным но ваньзылы сётизы куинь быръён – наука, творчество но политика. Кема ӧй малпаськы, мон басьтӥ, пыриськи политика удысэ. Малы мон сое бырьи юалоды. Бырьи та удысэз мон, малы ке шуоно мынам тодэм потэ вал кыӵе политика «Шунды» огазьяськонлэн но кин ужа политикаын, мар кариське али вылӥ пукись адямиосын удмурт кылэз, культураез но калыкез ӝутон понна. Бырьи на эшшо тае, малы ке шуоно милям улонмы али быдэсыз бергатӥське но ортче политикаен чош. «Вамышын». Ми нырысь налаз вераським кыӵе милям «Шундыын» но быдэс Удмурт элькунамы вань шуг-секытъёс кудъёсыз дугдыто калыкмес. Ми лэсьтӥм, пуктӥм асьмелы сыӵе план, кудӥз сярысь но маин ми кутскыны кулэ вал асьмелэсь вераськонъёсмес, ужъёсмес вуоно нуналэ кинъёс ми доры вуозы та сярысь вераськыны. Милемлы та ужпумез пуктӥз Леонид Михайлович Гонин (политтехнолог, директор дома учёных). Али ведь трос шуг-секытъёс удмурт калыкмылэн, правительсвоямы. Милемлы, мынам кылдӥз таӵе лулшодонэ, сётыны каризы та политика удысъя визькылъёс но азьлане учконъёс, малы ке шуоно ми ваньмы пинал муртъёс, кудъёсыз азьлане асьсэзыс шедьтозы оло политикаын, оло культураез жутонын, оло кыӵе ке огазьяськонъёсын «Шунды» кадь, оло мукет пайдаё ужъёсын. Милемлы сётӥзы нырысь кутскон амалэз. Ми выль поколение кудъёсты али ик дышетоно, валэктон сётоно мар со сыӵе политика уж, мар милемыз возьма азьланяз, кыӵе шуг-секытъёс но мар карыны со ваньмыз шоры учкыса азьланяз. Мыным али уг кельшы кызьы ужа милям правительствомы Ижкарын но аслам Можга ёросам. Соос али ужало, шуом, кылынызы гинэ. Ми кылӥськом одӥг адыранъёс гинэ. Ум адӟиське соослэсь ужъёссэс, кудзэ соос верало гинэ, нош лэсьтын мылзы уг пот. Ми доры ветлӥзы, «Вамыш» бичаськонэ смена бырон азьын правительствоысь ужбергатисьёс: Смирнова – руководитель приёмной президента в Умуртии. Соловъёв – министр молодёжной политики. Макаров - председатель молодёжного парламента УР. Ишматова – заместитель министра национальной политики. Завалин – министр национальной политики. Мар вераським юалоды. Мынам но мукетъёсызлэн пушкамы таӵе лулшодон кылдӥз. Соос милемлы вераны трос веразы, но кулэзэ номыр ӧз вералэ. Соос милемыз гинэ  янгыше пуктын турттӥзы. Соослы трос юанъёс ми сёткам но вань юанлы, кудаз ми адӟиськом соослэсь янгышсэс, соос милемыз янгыше пукто. Соос котьку юанлы быдэс ответ уг сёто но мукет ӧре выжо вал, нош юан кыле вал озьы ик юан шуонын. Валэктон уг туртто но уг сёто юанъёсмылы. Мон малпамея, та вераськон милемлы трос пайда ӧз сёты, а наоборот эшшо но тросгес юанъёс кылдӥзы: «Мар соос вокщё каро?» Озьы, мон «Единая Россия» партия сярысь умойен уг вераськы, но отчы ик пыро мукет партиос но министръёс, кудъёсыз сярысь мон умойен уг быгатскы вераны. Мон «Единая Россия» партиялы пумитъяськисько.
«Вамышын» мон вал шудонын (конкурсын) кандидат кивалтӥсе «Шунды» огазьяськонэ. Ми татын дасям но верам кыӵе луыны кулэ кивалтӥсь, марлы сое отчы карыны кулэ, мариз понна. Мон та ужын ужаса аслым басьтӥ умойзэ гинэ, малы ке шуоно ми ужам ӵошен одӥг огинын. Мон валай мар кулэ вазиськонам гожтыны, мар сярысь кулэ вераны мед быръёзы шуыса. Со уж мыным бадӟым пайда сётӥз азьланяз но. Мукетъёсызлы но, малпасько, кельшиз таӵе ужын ужаны. Мон малпамея, «идеальной» кивалтӥсь ӧвӧл, но уз луы, малы ке шуоно али кивалтӥсьлэн мар каремез потэен гинэ улыны уг луы, соин со кивалтӥсьлэн главное мед котыраз луозы адямиос, кудъёсыз котьку солы юрттозы, ӵош вань ужъёсты бергатозы. Со «цепочка» кадь ик биологияын кызьы клеткаос кылдо одӥгезлэсь кык, кыкезлэсь ньыль. Озьы ик кыдёке но кыдёке мынэ на быдэс организм луытозь. Озьы ик кулэ кивалтӥсен но, но со медаз ноку но ыш, а наоборот мед люкалоз «авторитет», оскон аслыз мукет кивалтӥсьёслэсь но адямиослэсь. Озьы ик милям ортчиз «коммуникативные бои» шудон. Татын ми асьмелэсь кужымъёсмес возьматӥм кин кызьы быгатэ аслэсьтыз лулзэ поттыны, котькуд ӝутэм проблемаосъя. Таӵе конкуръёс туж но туж пайдаё , мыным потэ, ортчизы. Та конкурсын ми дышетскиськом кызьы асьмемыз возьыны вылӥ бичаськонъёсын. Туж шулдыр но туж пайдаё та конкурс вал милемлы. Тань мон тае ваньзэ гожъяй но тӥляд юанды потӥз дыр пушкады, нош кин тае ваньзэ ортчытӥз шуыса. Та ваньзэ политика сярысь вераськонэз, выборъёс «Шунды» огазьяськонэ но коммуникативной жугиськонэз, обсуждениез милемлы одӥг нал куспын ортчытӥз дас укмыс аресъем пияш, нош визьмыз куамын аресъемлэн мында, Ходырев Даниил Удмурт кун университетын дышетскись, история факультетын. Мыным одӥг кылын солэн нуэмез, выжытэмез милемыз политикае туж кельшиз. Но мон аслым сыче йырам валан пыртӥ: «...вот тини уг адямилэн ваньзэ тодэмез луэ. Лишь бы потонэз мед гинэ мед луоз. Мыл потон гинэ кулэ. Со Даниллэн вань. Но мон аслым шуисько – вань марлы тыршыны, кин кадь луыны, кинэн ровняться, шуом ни, кариськоно. Есть к чему учиться.»
 Мон татысь «Вамыш» лагерьысь кошки валаса, то что трос шуг-секытъёс – проблемаос милям вань калыкмылэн, но ваньзэ сое лэсьтын луэ. Мон валай мукетъёсызлэн но сюлэмзы висе шуыса удмурт калык понна. Туж пайдаё ортчиз мыным та смена. Тросгес таӵе бичаськонниос кулэ лэсьтылыны. Мыным та «Вамыш» сётӥз на эшшо мукет удысъя уж бергатон. Милемлы Алексей Шкляев возьматӥз кинозэ, кудзэ со организовать кариз берыктонлы. Мон солэсь кинозэ учкыса вдохновился, кужым басьтӥ но аслым шуи «ведь мон но быгато та ужын аслэсьтым быгатонлыкме возьматыны». Озьы мон али со ужын кутски ужаны но малпасько мыным юрттозы та ужын одно ик пиналъёс, радио, телевидение но киноя ужасьёс. Ваньмыз та лэсьтӥське удмурт кылэз возьматыны кыӵе со кужмо, умой но азьлане мынӥсь кыл шуыса. Мон малпамея «Вамыш» лагере кулэ тросгес уксё сётыны, малы ке шуоно татын трос туж кулэ ужъёс лэсьтӥсько . Эшшо кулэ на налъёссэ будэтыны. Политика группаез одно ик кельтоно , малы ке шуоно со туж пайдаё ортче ваньзылы. Кулэ на «Вамыше» будэтыны , донгыны, пыртыны видео, кино, мультикъёс удысъя ужан. Ӧтчан кулэ радиоысь кивалтӥсьёсты, кино пуктӥсьёсты но кырӟан лэсьтӥсьёсты, малы ке шуоно трос проектъёс можно лэсьтыны соосын ӵош. Кулэ на ӧтьыны адямиосты, кудъёсыз со проектъёсыз быгатозы калыке поттыны но выль сюрес соослы сётыны. Мон аслым туж но туж бадӟым ВАМЫШ лэсьтӥ. Соизлы мон туж шумпотӥсько. Ноку медаз быр «ВАМЫШ» лагерь. Котьку мед луозы отын пиналъёс но бадӟымъёс. Ӵош улом но эшъёс, мон оскисько, ваньзэ ми ортчом.